Sádi-arab­íska flug­fé­lagið Saudi Arabian Airlines, eða Saudia, hefur ákveðið að aflýsa öllu far­þega­flugi íslenska flug­fé­lags­ins Air Atlanta fram í maí, vegna kór­óna­veirunnar. Þetta herma heim­ildir Mannlífs. Atlanta hefur fjórtán Boeing 747-400-flug vélar til umráða en helm­ingur þeirra hefur verið í þjón­ustu Saudia. Um mikið högg er því að ræða fyrir félagið.

Magnús Ásgeirs­son, sölu­stjóri hjá Atlanta, vildi í sam­tali við Mannlíf ekki stað – festa þessar fregnir en við­ur­kenndi þó að Sádarnir væru „búnir að fækka flug ferðum“. „Þetta er allt í vinnslu en ég get ekki stað­fest þetta,“ sagði hann þegar á hann var gengið. Magnús sagði enn fremur að ýmsar sögur væru á kreiki en að staðan breytt­ist hratt þessa dag­anna. Hann vildi lítið tjá sig um málið en vís­aði á for­stjóra félags­ins, sem var í flugi.

Nýgerður 40 milljarða króna samningur

Aðeins eru rúmar tvær vikur síðan Morg­un­blaðið greindi frá því að Atlanta væri að ganga frá nýjum samn­ingi við Saudi Arabian Airlines um „blaut­leigu“ og áætl­un­ar­flug til þriggja ára. Blaut­leigu­samn­ingar fela í sér að Atlanta útvegar við­skipta­vini sínum þjón­ustu, í formi vélar og áhafnar, og heldur utan um rekstur vél­anna og við­hald. Fram kom að samn­ing­ur­inn væri met­inn á 40 millj­arða króna.

Flug­fé­lagið Saudi Arabian Airlines, eða Saudia, hefur ákveðið að aflýsa öllu far­þega­flugi íslenska flug­fé­lags­ins Air Atlanta fram í maí,

Samhliða var sagt frá því að Atlanta hefði samið við flug­véla­leigu­fyr­ir­tækið GECAS um lang­tíma­leigu á fimm breið­þotum af gerð­inni Boeing 777 og Airbus A330. Til stóð að þær vélar yrðu afhentar í maí og júní.

Haft var eftir for stjóran um, Baldvini Má Her­manns­syni, að samn­ing­ur­inn fæli í sér mikil tíma­mót fyrir félagið. Stórt skref væri stigið í þróun félags­ins með inn­leið­ingu nýrra flug­véla­teg­unda. Mannlíf hefur ekki upp­lýs­ingar um hvaða þýð­ingu ákvörðun Saudia hefur á nýgerðan samn­ing Atlanta við GECAS. Smitum af völdum kór­óna­veirunnar hefur fjölgað hratt síð­ustu daga á Íslandi.

Íslend­ingar hafa verið ofar­lega á lista þjóða þegar hlut­fall smit­aðra er skoðað en fram hefur komið að það helgist ekki síst að því að hér hefur eft­ir­lit verið meira og fleiri próf gerð en víða ann­ars staðar. Ekki er ljóst hvort þessi töl­fræði varð til þess að Saudia greip til þeirra ráð­staf­ana sem hér hefur verið sagt frá.

Miklar væringar í vændum

Óhætt er að segja að upp­nám hafi orðið á fimmtu­dag þegar Donald Trump Banda­ríkja­for­seti til­kynnti um 30 daga flug­bann frá Íslandi og öðrum löndum Schengen. Sér­fræð­ingar sem Mannlíf tal­aði við áður en Trump til­kynnti um ákvörðun sína sögðu aðeins tíma­spurs­mál hvenær Icelandair myndi þurfa á rík­is­að­stoð að halda, til að tryggja rekstur félags­ins.

Félagið hefur að stórum hluta byggt starf­semi sína á Amer­íkuflugi. Heim­ilda­maður sem gjör­þekkir flug­rekstur sagði við Mannlíf á fimmtu­dag að útlit væri fyrir mik­inn sam­drátt og í kjöl­far sam­ein­ingar flug­fé­laga á heims­vísu á næst­unni. Mörg flug­fé­lög myndu ekki lifa af það upp­nám sem nú skekur heims byggð­ina. Í slíku um hverfi fælist þó tæki­færi fyrir nýja aðila á flug­mark­aði.