Þeir Ítalir sem ekki hlýða fyr­ir­mælum um sótt­kví heima sér, finni þeir fyrir ein­kennum önd­un­ar­færa­sýk­ingar, geta átt á hættu að verða ákærðir fyrir morð­til­raun og refs­ingin er allt að 21 árs fang­els­is­vist. Það gildir þó aðeins ef við­kom­andi smitar ein­hvern sem síðar deyr af völdum sjúk­dóms­ins. Aðrir sem ekki fara í sótt­kví eru þó ekki lausir allra mála því þeir gætu verið ákærðir fyrir að valda öðrum skaða og refs­ingin við því er allt að sex mán­aða fang­els­is­vist.

Metro hefur eftir ítölsku vef­síð­unni Il Sole 24 Ore að hver sá sem mætir til vinnu eftir að hafa verið í sam­skiptum við ein­hvern sem er sýktur eða lætur hjá líða að upp­lýsa þá sem hann umgengst um áhætt­una á því að hann sé smit­beri geti sömu­leiðis átt von á ákæru. Segir blaðið að refs­ingin sé í sam­ræmi við þá refs­ingu sem HIV-smit­aðir sæti ef þeir smita aðra vilj­andi.

Kór­óna­veirusmitum heldur áfram að fjölga hratt á Ítalíu, þrátt fyrir lok­anir skóla og versl­ana og ferða­bann og eru nú um 12.000 stað­fest smit í land­inu og 827 eru látnir af völdum veirunnar.

Sjá einnig: Sam­komu­bann á Ítalíu vegna veirunnar