„Tíminn er runn­inn út fyrir leiki og það er miður að Reykja­vík­ur­borg skynji það ekki.“ Þetta segir Sólveig Anna Jóns­dóttir, for­maður Eflingar, í til­kynn­ingu sem Efling sendi frá sér, eftir árang­urs­lausan samn­inga­fund samn­inga­nefnda Eflingar og Reykja­vík­ur­borgar hjá rík­is­sátta­semj­ara í dag.

Í til­kynn­ing­unni segir að „svo virð­ist sem samn­inga­nefnd borg­ar­innar og borg­ar­stjóri tali í kross, með þeim afleið­ingum að upp­lýs­inga­gjöf er ekki skýr og ómögu­legt að leggja mat á raun­veru­lega stöðu deil­unnar.“

Er enn­fremur vísað í orð Sól­veigar Önnu sem segir borg­ar­stjóra hafa lofað öllu fögru í fjöl­miðlum en það sem ger­ist í samn­inga­her­berg­inu sé ekki í neinu sam­ræmi við það. Innkoma borg­ar­stjóra hafi ein­ungis verið til að afvega­leiða félags­menn Eflingar, fjöl­miðla og almenn­ing. Ótíma­bundið verk­fall og bar­átta Efl­ing­ar­fé­laga muni því halda áfram.