Það marg­borgar sig að vera dug­legur við að þvo hend­urnar, enda safna þær fjölda bakt­ería yfir dag­inn. Með því að þvo þér reglu­lega um hend­urnar verndar þú bæði sjálfan þig og aðra í kringum þig fyrir bakt­er­íum sem geta valdið pestum og sjúk­dómum og á sama tíma hjálpar þú til við að vinna gegn sýkla­lyfja­ó­næmi.

Bakt­er­íur á höndum geta valdið alls konar veik­indum, t.d. maga­pestum og flensu. Hand­þvottur er ein okkar besta vörn gegn þeim og öðrum á borð við Covid-19 sem nú er í heims­frétt­unum.

Hand­þvottur á vef Lands­lækn­is­emb­ætt­is­ins.
Leið­bein­ingar til almenn­ings vegna Covid-19.

En hvenær á maður að þvo hend­urnar og hvernig?

• Áður, á meðan og eftir að þú höndlar mat­væli.
• Áður en þú borðar.
• Áður og eftir að þú hlúir að ein­hverjum sem er með maga­pest.
• Áður og eftir að þú með­höndlar sár.
• Eftir að þú ferð á sal­ernið.
• Eftir að þú skiptir um bleyju eða skeinir barni.
• Áður en þú snýtir þér, hóstar eða hnerrar.
• Eftir að þú snertir dýr, dýra­mat eða dýra­úr­gang.
• Eftir að þú höndlar með gælu­dýra­fæði.
• Eftir að þú höndlar með rusl.

Rann­sóknir hafa sýnt að það er árang­urs­rík­ara að nota vatn og sápu en bara vatn, en það skiptir engu hvort vatnið er heitt eða kalt eða hvort sápan er í föstu eða fljót­andi formi. Þá er ekki þörf á því að kaupa sér­staka bakt­er­íu­drep­andi sápu. Ef þú hefur ekki aðgang að vatni má nota hand­spritt, sem inni­heldur a.m.k. 60% alkó­hól.

Þegar hend­urnar eru afgreiddar er ekki vit­laust að huga að þeim hlutum sem við snertum oft yfir dag­inn, t.d. sím­ann en sam­kvæmt rann­sóknum taka allt að 60% ein­stak­linga sím­tækið með sér á sal­ernið. Hann má þrífa með sótt­hreins­andi efnum.

Hér fyrir neðan má finna fræðslu­mynd­band frá banda­rískum heil­brigð­is­yf­ir­völdum sem sýnir m.a. hvernig þvo ber hend­urnar með sem bestum árangri.