Yfir­lýs­ing banda­rísku leikkon­unnar Natalie Portman á Ósk­arsverð­laun­unum á sunnu­dag­inn hefur vakið mikla athygli en Portman klædd­ist herða­slá frá Dior með útsaum­uðum nöfnum fimm kven­kyns leik­stjóra sem henni finnst aka­demía Ósk­ars­ins hafa litið fram hjá.

Fimm karlar voru til­nefndir í flokki leik­stjóra á Óskarnum en engin kona. Með yfir­lýs­ingu sinni vildi Portman vekja fólk til umhugs­unar um hvernig er gjarnan litið fram hjá konum í kvik­mynda­brans­anum. Portman hlaut mikið hrós fyrir gjörn­ing­inn en einnig gagn­rýni.

Nöfn kvenn­anna sem voru ísaumuð í herða­slá Portman voru Lorene Scafaria (leik­stjóri Hustlers), Lulu Wang (leik­stjóri The Farewell), Greta Gerwig (leik­stjóri Little Women), Marielle Heller (leik­stjóri A Beauti­ful Day in the Neighborhood) og Melina Matsoukas (leik­stjóri Queen & Slim). Mynd / EPA

Leik­konan Rose McGowan er ein þeirra sem hefur gagn­rýnt Portman. Hún benti á að Portman sjálf hafi aðeins unnið með tveim­ur kven­kyns leik­stjór­um á ferli sín­um, að Portman sjálfri með­taldri.

McGowan birti færslu á Facebook og vakti athygli á mál­inu. Hún sagði Portman sjálfa vera vanda­málið og sagði gjörn­ing hennar vera „falskan stuðn­ing“. Hún vill sjá Portman og aðrar konur í hennar stöðu sýna stuðn­ing í verki. Margir hafa tekið undir með McGowan.

„Ótrúlega erfitt“ fyrir konur að kom­ast að

Nú hefur Portman svarað gagn­rýn­inni í yfir­lýs­ingu sem BBC birtir. Í yfir­lýs­ing­unni segir Portman gagn­rýn­ina eiga rétt á sér en bendir á ýmis verk­efni sem hún hefur tekið þátt í þar sem konur hafa verið við stjórn­völ­inn.

„Á mínum langa ferli hef ég sjaldan fengið tæki­færi til að vinna með kven­kyns leik­stjórum,“ segir Portman í yfir­lýs­ing­unni áður en hún telur svo upp nokkur dæmi.

Hún segir þá að það sé „ótrú­lega erfitt“ fyrir konur að kom­ast að í kvik­mynda­verum, að fá fjár­magn og kom­ast yfir aðrar hindr­anir sem verða á vegi kvenna í brans­anum.

Portman segir einnig erfitt fyrir kven­kyns leik­stjóra að koma kvik­mynd­unum sínum að á kvik­mynda­há­tíðum, að fá dreif­ingu og umfjöllun vegna hlið­varða (e. gatekeepers) sem eru á öllum víg­stöðvum.

„Ég hef reynt og ég mun halda áfram að reyna. Þó að ég hafi ekki náð árangri þá er ég bjart­sýn á að nýir tímar séu fram undan.“

Natalie Portman vakti athygli á því að fimm karl­ar voru til­nefnd­ir í flokki leik­stjóra á Ósk­arsverð­laun­unum en engin kona. Mynd / EPA