Segja neyðarástand ríkja á Bráðamóttöku Landspítala

Vakt­stjór­ar hjúkr­un­ar bráða­deild­ar G2 Land­spít­ala hafa sent frá sér yfir­lýs­ingu og lýsa yfir áhyggjum sínum á ástand­inu á deild­inni. Í yfir­lýs­ing­unni segir að starfs­fólk deild­ar­innar taki undir orð Más Krist­jáns­sonar, yfir­læknis smit­sjúk­dóma­lækn­inga á Land­spít­al­anum, sem varar við að stór­slys kunni að vera í aðsigi á deild­inni í Lækna­blað­inu í jan­úar 2020.

Í yfir­lýs­ing­unni segir að mikið álag gerir það að verkum að starfs­fólk á erfitt með að stýra Bráða­mót­tök­unni sem skyldi. „Deildin, sem hönnuð er til að
sinna mest 35 sjúk­lingum með bráðan vanda, hýsir nú alla daga 20-40 sjúk­linga til
við­bótar sem lokið hafa með­ferð á Bráða­mót­töku en hafa ekki fengið pláss á við­eig­andi
legu­deildum sjúkra­húss­ins,“ segir meðal ann­ars.

Þá segir enn fremur að ákveðið neyð­ar­á­stand ríki á Bráða­mót­tök­unni. „Það er neyð­ar­á­stand á Bráða­mót­töku Land­spít­ala og mun það enda með ósköpum ef ekki er brugð­ist við með rót­tækum aðgerðum nú þegar.“

29 hjúkr­un­ar­fræð­ingar skrifa undir yfir­lýs­ing­una og skora á heil­brigð­is­ráð­herra, vel­ferð­ar­nefnd Alþingis og stjórn Land­spít­ala að finna lausn á vand­anum.

Yfir­lýs­ing­una má lesa í heild sinni hérna:

Yfir­lýs­ing um vanda Bráða­mót­töku Land­spít­ala

Í ljósi erf­iðrar stöðu Bráða­mót­töku sjá und­ir­rituð, vakt­stjórar hjúkr­unar Bráða­deildar G2
Land­spít­ala, sig knúin til að lýsa yfir alvar­legum áhyggjum sínum á ástandi deild­ar­innar.
Við tökum að öllu leyti undir orð Más Krist­jáns­sonar sem varar við að stór­slys kunni að
vera í aðsigi á deild­inni í Lækna­blað­inu í jan­úar 2020. Við stað­festum orð Más sem í
grein sinni lýsir aðstöðu­leysi, þrengslum og óvið­un­andi ástandi sem heldur bara áfram
að versna.

Mikill inn­lagn­ar­þungi og eft­ir­spurn eftir þjón­ustu ásamt auknum frá­flæð­is­vanda gerir
okkur ekki kleift að stýra Bráða­mót­tök­unni sem skyldi. Deildin, sem hönnuð er til að
sinna mest 35 sjúk­lingum með bráðan vanda, hýsir nú alla daga 20-40 sjúk­linga til
við­bótar sem lokið hafa með­ferð á Bráða­mót­töku en hafa ekki fengið pláss á við­eig­andi
legu­deildum sjúkra­húss­ins. Sjúk­lingar liggja því ber­skjald­aðir á göngum deild­ar­innar.
Við reynum eftir fremsta megni að þjón­usta þennan sjúk­linga­hóp en öllum má vera það
ljóst að þeir fá ekki jafn góða þjón­ustu á bráða­mót­tök­unni eins og þeir myndu fá á
við­eig­andi legu­deild. Ekki er mögu­legt að tryggja fag­mennsku, frið­helgi, öryggi og
sýk­ing­ar­varnir við þessar aðstæður.

Sem vakt­stjórar hjúkr­unar berum við ábyrgð á flæði sjúk­linga um deild­ina, mót­töku
þeirra og hjúkrun og er staðan nú orðin sú að erfitt eða ómögu­legt er að taka á móti
nýjum sjúk­lingum og bíða þeir ýmist á sjúkra­börum sjúkra­flutn­inga­manna eða á bið­stofu
eftir þjón­ustu. Við vísum full­yrð­ingum um að ekki ríki neyð­ar­á­stand á deild­inni alfarið á
bug. Það er neyð­ar­á­stand á Bráða­mót­töku Land­spít­ala og mun það enda með ósköpum
ef ekki er brugð­ist við með rót­tækum aðgerðum nú þegar.

Heil­brigð­is­ráð­herra sagði í við­tali við RÚV 6. jan­úar s.l. að þetta sé lang­tíma­mál: „Það er
ekk­ert til sem heitir ein­föld lausn eða skyndi­lausn í svona flóknu máli“. Starfs­fólk
Bráða­deildar G2 hefur á und­an­förnum árum margoft ítrekað áhyggjur sínar af vanda
deild­ar­innar en talað fyrir daufum eyrum. Stjórn­endur Bráða­mót­tök­unnar hafa gert allt
sem í þeirra valdi stendur til að létta undir álagi á deild­inni en yfir­stjórn sjúkra­húss­ins
virð­ist úrræða­laus. Vandi Land­spít­ala er ekki ein­ungis okkar heldur þjóð­fé­lags­ins í heild.
Hvenær verður vandi sjúkra­húss­ins leystur?

Við hörmum að vera sett í þá stöðu að bera ábyrgð á starf­semi deild­ar­innar undir
þessum kring­um­stæðum. Við skorum því á Heil­brigð­is­ráð­herra, Vel­ferð­ar­nefnd Alþingis
og Stjórn Land­spít­ala að finna lausn á þessum vanda taf­ar­laust.

Virð­ing­ar­fyllst
Elín Tryggva­dóttir, hjúkr­un­ar­fræð­ingur
Tryggvi Hjörtur Oddsson, hjúkr­un­ar­fræð­ingur
Bára Dís Lúð­víks­dóttir, hjúkr­un­ar­fræð­ingur
Björg Sig­ur­jóns­dóttir, hjúkr­un­ar­fræð­ingur
Júlíana Við­ars­dóttir, hjúkr­un­ar­fræð­ingur
Hafdís Björk Alberts­dóttir, hjúkr­un­ar­fræð­ingur
Árný Sigríður Dan­í­els­dóttir, hjúkr­un­ar­fræð­ingur
Ardís Hen­riks­dóttir, hjúkr­un­ar­fræð­ingur
Hildur Dís Krist­jáns­dóttir, hjúkr­un­ar­fræð­ingur
Hjördís Jóhann­es­dóttir, hjúkr­un­ar­fræð­ingur
Sandra Lind Jóns­dóttir, hjúkr­un­ar­fræð­ingur
Soffía Stein­gríms­dóttir, hjúkr­un­ar­fræð­ingur
Nanna Kristín Johansen, hjúkr­un­ar­fræð­ingur
Kristín Rósa Ármanns­dóttir, hjúkr­un­ar­fræð­ingur
Lilja Sig­urð­ar­dóttir, hjúkr­un­ar­fræð­ingur
Ása M. Blöndahl, hjúkr­un­ar­fræð­ingur
Ragna Björg Ársæls­dóttir, hjúkr­un­ar­fræð­ingur
Krist­jana Þórkatla Ólafs­dóttir, hjúkr­un­ar­fræð­ingur
Anna G. Gunn­ars­dóttir, hjúkr­un­ar­fræð­ingur
Sólveig Birna Jós­efs­dóttir, hjúkr­un­ar­fræð­ingur
Ást­hildur Guð­laugs­dóttir, hjúkr­un­ar­fræð­ingur
Anders Wahlgren, hjúkr­un­ar­fræð­ingur
Bryn­hildur Ingi­mund­ar­dóttir, hjúkr­un­ar­fræð­ingur
Kristín Halla Mar­in­ós­dóttir, hjúkr­un­ar­fræð­ingur
Dóra Björns­dóttir, hjúkr­un­ar­fræð­ingur
Ágústa Hjördís Krist­ins­dóttir, hjúkr­un­ar­fræð­ingur
Ingi­björg Sig­ur­þórs­dóttir, hjúkr­un­ar­fræð­ingur
Karen Anna Sæv­ars­dóttir, hjúkr­un­ar­fræð­ingur
Ellen Stefanía Björns­dóttir, hjúkr­un­ar­fræð­ingur