Óráðið hvort ferjur fái viðbótarstyrki vegna COVID-19

Enn er með öllu óljóst hvort Vega­gerðin styrki rekstur íslenskra ferja auka­lega í sumar vegna COVID-19 far­ald­urs­ins. Þetta kemur fram í svari Bergþóru Krist­ins­dóttur, fram­kvæmda­stjóra þjón­ustu­sviðs Vega­gerð­ar­innar.

Eini styrk­ur­inn sem hefur verið stað­festur er við Sæferðir á Stykk­is­hólmi vegna ferju­sigl­ingar um Breiða­fjörð, líkt og Mannlíf greindi nýverið frá. Sæferðir eru með vetr­ar­samn­ing við Vega­gerð­ina og þurfti á sum­ar­styrk að halda til að halda úti sigl­ingum um Breiða­fjörð. Samkvæmt Bergþóru liggur kostn­aður vegna samn­ings­ins ekki fyrir, en Mannlíf hefur heim­ildir fyrir því að samn­ing­ur­inn hljóði upp á tæpar 40 millj­ónir króna til að halda úti dag­legum sigl­ingum í sumar milli Stykk­is­hólms og Brjáns­lækjar.

„Það liggur þó fyrir að Vega­gerðin hefur heim­ild til að styrkja rekstur Herjólfs vegna COVID-19 til við­bótar í sumar til að tryggja sam­göngur til Vest­manna­eyja,“ segir Bergþóra. Herj­ólfur, Gríms­eyja­ferjan og Hrís­eyj­ar­ferjan hljóta allar sum­ar­styrki frá Vega­gerð­inni. Í fyrra námu þeir nærri 75 millj­ónum en Bergþóra segir að þeir komi mögu­lega til með að verða lægri nú þar sem fjöldi ferða­manna verði lík­lega