Play í loftið í haust

Play hefur trygggt sér nægi­legt fjár­magn til að hefja flug. Fyrstu flug­ferðir félags­ins eru áætl­aðar í haust.

Skúli Skúlason, aðal­eig­andi og stjórn­ar­for­maður Play.

„Ef COVID þró­ast í jákvæða átt þá erum við að horfa á að byrja áætl­un­ar­flug okkar í októ­ber,“ segir Skúli Skúlason, stjórn­ar­for­maður Play í við­tali í Við­skipta­blað­inu í dag.

Haft er eftir Skúla að mik­ill tími fari í við­ræður við flug­véla­leigu­sala, hvaða kjör og hvers konar vélar séu í boði og hvernig þær passi inn í sam­setn­ingu á fram­tíð­ar­flot­anum. „Enn er alveg óljóst og fer eftir því hvernig staðan verður, hvort við byrjum með eina eða fleiri vélar, enda erfitt að taka ákvarð­anir með alla þessa óvissu­þætti fyrir framan sig,“ segir Skúli og getur þess að Play geti verið komið með sex til átta vélar næsta vor.

Í dag er Play með 36 starfs­menn í vinnu og kostar rekstur fyr­ir­tæk­is­ins í dag um 45 millj­ónir á mán­uði. „Við erum að brenna á bil­inu 200-300 þús­und evrum á mán­uði í rekst­ur­inn núna, sem við getum staðið vel undir þangað til við sjáum tekju­streymi byrja von­andi í haust. Við erum með aðgang að nægri fjár­mögnun til að fara í loftið,“ segir Skúli.