Hildur Lilliendahl auglýsir einkaflug frá Kanarí

Hildur Lilli­endahl Vigg­ós­dóttir, verk­efn­is­stjóri hjá Reykja­vík­ur­borg, aug­lýsir einka­flug frá Kanarí næsta mánu­dag. Það gerir hún í hópi Íslend­inga sem búsettir eru á eyj­unum en einka­vélin fer frá Gran Canaria eyj­unni þar sem Hildur var föst í útgöngu­banni í vor.

Hildur segir fjögur sæti laus í vél­inni fyrir örvænt­ing­ar­fulla landa hennar og að þeir fyrstu sem hafi sam­band fái sæti. Hún segir að sætið kosti sitt en að matur verði inni­fal­inn í far­gjald­inu. Ljóst er að Hildur mun sjálf fljúga með vél­inni en hún býðst til að taka með sér atkvæði Íslend­inga á eyj­unni fyrir for­seta­kosn­ing­arnar.

„Ef ein­hver ykkar eru mjög örvænt­ing­ar­full að kom­ast heim veit ég um fjögur laus sæti í einka­flugi frá LPA til KEF eða REY kl. 12 á hádegi mánu­dag­inn 22/6. Kostar miiikið, alveg 1000$ per sæti en það fylgir matur. Sendið mér skila­boð fyrir nán­ari upp­lýs­ingar. Þau sem stað­festa fyrst verða fremst í röð. Ef þið viljið koma atkvæðum í þetta sama flug þurfa þau líka að kom­ast til mín í Las Palmas um helg­ina. Ást­ar­kveðjur!,“ segir Hildur Lilli­endahl í færslu inni á Facebook-hópi ætl­uðum búsettur Íslend­ingum á Kanarí­eyjum.