Þrír látnir og tveir á gjörgæslu

Þrír lét­ust í elds­voða sem kom upp í húsnu á horni Vest­ur­götu og Bræðra­borg­ar­stígs síð­degis í gær. Þetta kemur fram í til­kynn­ingu frá lög­reglu.

Tveir eru á gjör­gæslu­deild en einn af þeim sem var fluttur á Land­spít­al­ann hefur verið útskrif­aður af sjúkra­hús­inu.

Tveir voru hand­teknir á vett­vangi fyrir að hlýða ekki fyr­ir­mælum lög­reglu, en síðan sleppt eftir skýrslu­tökur,  og einn er í haldi hennar í þágu rann­sókn­ar­innar, en kennsla­nefnd rík­is­lög­reglu­stjóra hefur enn fremur verið kölluð til vegna máls­ins.

Rannsókn lög­reglu á bruna­vett­vangi hófst form­lega eftir að slökkvi­liðið hafði lokið þar störfum um hálf­fjög­ur­leytið í nótt.

Ákvörðun um hvort kraf­ist verður gæslu­varð­halds yfir mann­inum sem er í haldi lög­reglu mun liggja fyrir síðar í dag.

Til­kynn­ing um eld­inn barst kl. 15.15 og hélt fjöl­mennt lið við­bragðs­að­ila þegar á stað­inn, en aðstæður á vett­vangi voru mjög erf­iðar. Slökkvi­starfið tók tölu­verðan tíma, en mik­inn reyk lagði frá hús­inu og voru íbúar í nágrenn­inu beðnir um að loka hjá sér gluggum.

Sjá einnig: 73 ein­stak­lingar með skráð lög­heim­ili í hús­inu