Fjöl­skyldan getur sparað sér stórfé með því að nota bíl­inn í stað þess að fljúga og ferða­gjöf stjórn­valda lækkar kostnað ferða­lags­ins um landið í sumar.

Nú er ferða­sum­arið mikla, inn­an­lands. Ýmis fyr­ir­tæki bregð­ast við breyttum aðstæðum vegna heims­far­ald­urs og bjóða betri kjör t.d. á gist­ingu, bíla­leigu­bílum og inn­an­lands­flugi. Hversu mikið kostar þetta að fljúga inn­an­lands á sér­kjörum?

Air Iceland Connect aug­lýsir: Verð frá 28.900 kr. á mann miðað við tvo í bókun þegar bókað er flug og bíll og 29.900 fyrir flug og hótel. Segjum sem svo að við ætlum að bregða okkur frá Reykja­vík til Ísa­fjarðar og bóka flug og gist­ingu á sér­kjörum. Það gerir 59.800 krónur fyrir tvo ef gist er eina nótt, enda gilda sér­kjörin ekki fyrir ein­stak­linga. Ef við reiknum með tveimur börnum líka, ell­efu ára eða yngri, þá kostar þetta 102.660. Án morg­un­verðar.

Sama verð er á flugi og gist­ingu til Akur­eyrar, Egils­staða og Reykja­víkur og lítur reikn­ings­dæmið því eins út hvað þá áfanga­staði snertir.

Ferðagjöfin góða gildir ekki

Hugsi maður sér gott til glóð­ar­innar og ætli sér að nýta ferða­gjöf stjórn­valda til að lækka kostn­að­inn um 10.000 krónur þá er það því miður ekki hægt. Hún gildir bara fyrir almennar flug­bók­anir inn­an­lands en ekki pakka­ferðir. Jæja, í það minnsta er hægt að nota ferða­gjöf­ina til að greiða fyrir hádeg­is­mat­inn því veit­inga­húsið Mamma Nína, hinum megin við göt­una, séð frá Hótel Ísafirði, er eitt þeirra fyr­ir­tækja sem taka við ferða­gjöf­inni.

Rétt er að geta þess fyrir þá sem ekki vita að ferða­gjöfin er fyrir alla íslenska rík­is­borg­ara, 18 ára og eldri og nemur hún 5.000 krónum á mann. Ferða­gjöf stjórn­valda er ætlað að styrkja inn­lenda ferða­þjón­ustu og gildir hún víða, m.a. má nota hana til að greiða fyrir gist­ingu, inn­an­lands­flug, bíla­leigu­bíla, veit­ingar og ýmiss konar afþr­ey­ingu. Lesa má meira um hana á vef­síð­unni www.ferdalag.is.

Verður bíllinn fyrir valinu?

Ef við metum það svo að það sé kannski full­mikið að greiða 102.660 krónur fyrir kjarna­fjöl­skyld­una þá skulum við kanna hvað kostar að aka til Ísa­fjarðar og gista á Hótel Ísafirði, eins og í til­boð­s­pakka flug­fé­lags­ins. Þar má nýta ferða­gjöf­ina upp í greiðslu og erum við þá strax búin að spara okkur 10.000 krónur.

Á bíl sem eyðir 6 lítrum á hundraði í lang­keyrslu og ef við tökum mið af lægsta bens­ín­verði, sem nú er um 179 krónur fyrir lítr­ann hjá Costco, þá er kostn­aður við akstur innan við 5.000 krónur aðra leið­ina, eða 4.900 krónur svo allt sé rétt. Við þurfum auð­vitað að kom­ast aftur heim og er heild­ar­kostn­aður 9.800 krónur, að því gefnu að ekki þurfi að dæla aftur á bíl­inn á Ísafirði þar sem elds­neyti er dýr­ara.

Það kostar fjöl­skyld­una 31.900 krónur að gista og er morg­un­verður inni­fal­inn í því verði. Samtals gera þetta, 41.700 krónur. Gleymum ekki ferða­gjöf­inni, sam­tals 10.000 krónur, og þá endar upp­hæðin í 31.800 krónum.

Það er því tölu­vert ódýr­ara að fara á bílnum í ferða­lagið eins það er sett upp hér. Verð­mun­ur­inn er heilar 70.860 krónur.

Vert er þó að taka fram að með fram­vísun flug­miða fæst afar góður afsláttur á ýmsum stöðum, t.d. í sund, í hvala­skoðun, á söfn og fleira.

Nánar er fjallað um inn­an­lands­flugið í nýjasta tölu­blaði Mannlífs.