Í dagbók lögreglu um verkefni gærdagsins og næturinnar kemur fram að lögregla hafi stöðvað ræktun fíkniefna á tveimur stöðum, annars vegar í fjölbýlishúsi í hverfi 112 þar sem plöntur og búnaður var haldlagt, hins vegar í fjölbýlishúsi í 101 þar sem 16 plöntur og búnaður var haldlagt. Málin eru í rannsókn.
Meðal annarra verkefna lögreglu í gærkvöldi og nótt voru tilkynningar um þjófnað, m.a. þar sem þurfti að hafa afskipti af manni í Breiðholti sem grunaður var um þjófnað á þremur vespum og einum barnakrossara. Maðurinn ók vespu á tilkynnandi og sparkaði ítrekað í hann þegar hann reyndi að komast undan. Maðurinn verður kærður fyrir líkamsárás er fram kemur í tilkynningu.
Þá var lögregla einnig kölluð á veitingastað á Granda þar sem starfsmenn veitingahússins héldu manni sem hafði reynt að stela áfengisflöskum. Maðurinn var handtekinn og vistaður í fangageymslu sökum ástands. Lögregla hefur þurft að hafa afskipti af manninum ítrekað síðustu daga fyrir sömu brot, þ.e. þjófnað á áfengi.
Athugasemdir