Rósmarín hefur verið notað sem krydd­jurt til mat­ar­gerðar lengi. Venju­lega er best að saxa fersk rós­mar­ín­blöð mjög smátt fyrir notkun því að þau eru hvöss og hörð og geta stungið.

Einnig má nota heila rós­mar­ín­kvisti í mat og veiða þá upp úr pott­inum áður en rétt­ur­inn er bor­inn fram.

Nota má rós­marín í nán­ast hvað sem er en þá er oft­ast best að feta sig rólega áfram í til­raunum vegna þess hve bragð­mikil krydd­jurtin er. Rósmarín ætti til dæmis að nota spar­lega í bragð­milda rétti því blöðin gefa frá sér bragð­sterka og eilítið ramma olíu er þau hitna.

Ferska rós­mar­ín­kvisti má hafa til að tylla saman kjöt­vefjum sem á að steikja eða grilla eða þræða kjöt og græn­meti upp á þá eins og grill­spjót.

Ferskar rós­mar­ín­greinar geym­ast í nokkra daga í ísskáp.

Rósmarín má þurrka en blöðin tapa bragði og ilmi við þurrkun og verða mjög hörð og hvöss.

Ef notað er þurrkað rós­marín er best að mylja það smátt fyrir notkun eða steyta það í mort­éli, þannig næst bragðið betur fram.