Harley–eigendur safna fyrir börn Finns og Jóhönnu

Félag Harley–eig­enda á Íslandi minn­ist Finns Ein­ars­sonar og Jóhönnu S. Sig­urð­ar­dóttur, fólks­ins sem lést í bif­hjólaslysli á Kjal­ar­nesi sl. sunnu­dag, í færslu á Facebook. Í færsl­unni segir að Finnur og Jóhanna hafi verið mjög virk í félag­inu og hafi lagt mikið af mörkum í starf­inu innan þess.

„Finnur og Jóhanna voru mjög virk og lögðu mikið af mörkum í starfi Chaptersins, en Finnur tók við vara­for­mennsku um ára­mótin 2018/2019. Þegar Chapterinn missti síð­asta athvarf sitt keyptu þau hjónin hús­næðið í Nethyl sem þau lögðu end­ur­gjalds­laust undir Chapterinn og hefur það verið mik­ils metið,“ er skrifað í færsl­una m.a..

Í annarri færslu er þá bent á styrkt­ar­reikn­ing fyrir börn Finns og Jóhönnu en þau láta eftir sig fjögur upp­komin börn.

„Sæl öll, börn Finns og Jóhönnu munu óhjá­kvæmi­lega bera nokkurn kostnað vegna frá­falls Finns og Jóhönnu og jarð­ar­farar þeirra. Þeim sem vilja styrkja þau er bent á þennan styrkt­ar­reikn­ing: 0114-15-382407. Kt:020168-4209.“

Sjá einnig: Bif­hjóla­menn fjöl­menntu á sam­stöðu­fund og minnt­ust fall­inna félaga: Myndir