Gos­loka­há­tíðin í Eyjum stendur nú yfir og segir Þórólfur Guðnason, sótt­varna­læknir, sem er staddur á hátíð­inni, að hann fái ekki betur séð en við­staddir reyni eftir bestu getu að fram­fylgja sótt­varna­reglum.

Gos­loka­há­tíðin, bæj­ar­há­tíð í Vest­manna­eyjum, þar sem enda­lokum eld­goss­ins á Heimaey 1973 er fagnað, stendur nú yfir. Hátíðin er alltaf haldin fyrstu helg­ina í júlí og þótt hún sé með breyttu sniði í ár sökum COVID-19 hefur venju sam­kvæmt verið líf og fjör í Vest­manna­eyjum, eins og meðal ann­ars má sjá af ljós­myndum sem hafa verið að birt­ast á sam­fé­lags­myndum um helg­ina. Einn þeirra sem hefur verið við­staddur hátíð­ar­höldin er Þórólfur Guðnason sótt­varna­læknir, sem kveðst ekki sjá betur en að hátíðin hafi farið vel fram.

Nú gáfu skipu­leggj­endur hátíð­ar­innar út þá yfi­lýs­ingu, að allir þeir við­burðir sem fara fram upp­fylla öll skil­yrði tengd sótt­vörnum og fjölda­tak­mörk­unum. Hvernig hefur tek­ist til að þínu mati? „Mér sýn­ist fólk almennt vera að passa sig í náinni umgengni og hand­spritt er á flestum stöðum,“ segir Þórólfur. „Maður sér reyndar að það sjatnar aðeins því hér, eins og ann­ars staðar, þegar fólk fær í glas. Annars er ég ekki hér til að taka hlut­ina sér­stak­lega út en ég fæ ekki betur séð en að almennt sé reynt að fylgja reglum þar sem ég hef verið. Annars hef ég ekki verið lengi þar sem margir koma saman, hef þá verið fljótur að láta mig hverfa. Ég hef einnig forð­ast að heilsa með handa­bandi eða faðma fólk, jafn­vel þá sem standa mér nærri og eru mér kærir.“

Þórólfur seg­ist reyndar hafa sam­þykkt að vera með á mynd sem var tekin í gær­kvöldi, meðal ann­ars með tón­list­ar­mann­inum Eyjólfi Krist­jáns­syni, sem vakti athygli á sam­fé­lags­miðlum en þá farið var­lega. „Ég var beð­inn um að vera með á mynd og ég sam­þykkti það, enda var fólk þarna að spritta sig og svo tók nú bara ein­hverjar fimmtán sek­úndur. Þetta tók þar af leið­andi mjög fljótt af, þannig að ég tel nú ekki mikla smit­hættu í þessu,“ segir Þórólfur góð­lát­lega.

Hann segir tveggja metra regl­una vera val­kvæða en brýnir hins vegar fyrir fólki að forð­ast snert­inu. „Það sem við höfum bent á er að fólk sé ekki að heils­ast og faðm­ast og að það sé ekki þétt innan um fólk sem það þekkir ekki eða þekki lítið og hugi vel að sótt­vörnum,“ minnir hann á.

En hvað er Þórólfur að gera í Eyjum? Er það Gosa­loka­há­tíðin sem dregur hann til Eyja eða á hann kannski ættir að rekja þangað? „Ég teng­ist Eyjum. Flutti ásamt for­eldrum mínum þegar ég var níu ára og svo á konan ætt­ingja hér, við erum bara að heim­sækja þá,“ segir hann glað­lega.