Segja brunahættu stafa af húsum í miðbænum

Stjórn Íbúa­sam­taka mið­borgar Reykja­víkur telja að hætta, þar á meðal bruna­hætta, stafi af tugum húsa sem hafi  staðið auð og verið van­rækt svo ára­tugum skipti, að því er fram kemur í yfir­lýs­ingu sem þau hafa sent frá sér.

Í yfir­lýs­ing­unni skorar stjórnin á bygg­ing­ar­full­trú­ann í Reykja­vík, Heil­brigð­is­eft­ir­lit Reykja­víkur, borg­ar­full­trúa og þing­menn að koma í veg fyrir að eig­endur húsa kom­ist upp með að láta þau standa auð og van­rækt í lengri tíma.

Í grein­ar­gerð­inni er að finna fjöl­mörg dæmi um hús sem staðið hafa auð í þónokkurn tíma. „Ástand margra þess­ara húsa er með þeim hætti að af þeim stafar hætta, umhverfi þeirra er subbu­legt og óheilsu­sam­legt og ítrekað hefur kviknað í þeim og hefur það sett nær­liggj­andi byggð í hættu,“ segir meðal ann­ars. Krefst stjórnin að gripið verði til aðgerða í mál­inu.