Rann­sókn­ar­nefnd sam­göngslysa hefur skilað skýrslu vegna banaslysiðs­ins sem varð á brúnni við Núpsvötn 27. des­em­ber 2018. Þrír far­þegar lét­ust í slys­inu, konur 33 ára og 36 ára, og 11 mán­aða stúlku­barn. Alls voru sjö manns í bílnum, breskir ferða­menn.

Konurnar voru ekki í bíl­belti, og barnið ekki í barna­bíl­stól, eins og fram kemur í skýrslu nefnd­ar­innar, sem til­greinir fjóra þætti sem eru taldir hafa or­sakað banaslysið. Það að eng­inn hafi verið í belti eða barna­bíl­stól er einn þeirra. Öku­maður bíls­ins er tal­inn hafa ekið yfir há­marks­hraða, en þegar hann missti stjórn á jepp­anum sem hann ók yfir ein­breiða brú fór hann upp á vegriðið hægra megin veg­ar­ins sem gaf undan. Talið er að veg­grip hafi verið mjög skert vegna ísingar á brúnni þegar slysið varð.

Í skýrslu nefnd­ar­innar kemur fram að sam­kvæmt hraða­út­reikn­ingi hafi öku­maður að öllum lík­indum verið á 114 kíló­metra hraða á klukku­stund. Skekkju­mörk eru 8 kíló­metrar á klukku­stund og hefur bíll­inn því verið á hraða á bil­inu 106 til 122 kíló­metrum á klukku­stund. Há­marks­hraði á brúnni var 90 kíló­metrar á þeim tíma sem slysið varð, en eftir það var hann lækk­aður í 50 kíló­metra.

Í skýrsl­unni segir einnig að brúin yfir Núps­vötn stand­ist ekki nú­ver­andi staðla. Brúin var opnuð fyrir um­ferð árið 1973 og kemst nefndin að því að hönn­unar­staðlar hafi breyst síðan þá.

Sam­kvæmt Vega­gerð­inni stendur til að reisa nýja brú yfir Núps­vötn á þessu ári og hvetur nefndin stjórn­völd og Vega­gerð­ina til að fylgja þeim á­ætl­unum eftir.

Á­fengis- og lyfja­próf­anir á öku­manni gáfu ekki til kynna notkun lyfja eða vímu­efna.