Segja Icelandair verða að ganga til samninga við starfsfólk sitt

ASÍ segir Icelandair ekki hafa val um annað en að ganga til samn­inga við starfs­fólk.

„Icelandair er nauð­ugur sá kostur að virða sitt starfs­fólk og ganga til kjara­samn­inga við stétt­ar­fé­lög þeirra ef fyr­ir­tækið ætlar að vera húsum hæft í íslensku sam­fé­lagi,“ segir í yfir­lýs­ingu sem var send út eftir fund for­setateymis ASÍ ásamt for­mönnum fjög­urra stétt­ar­fé­laga í gær. Þar var farið yfir stöð­una í kjara­deilu Icelandair og Flug­freyju­fé­lags Íslands, FFÍ.

Í yfir­lýs­ing­unni segir að orð Icelandair um að ann­ara leiða verði leitað frekar en að ljúka megi samn­ingum við FFÍ megi túlka sem hót­anir. Þessi orð megi skilja sem svo að félagið ætli að virða leik­reglur á íslenskum vinnu­mark­aði að vettugi.

Eru stjórn­völd hvött til að styðja ekki Icelandair með sam­eig­ingum sjóðum nema rétt­indi starfs­fólks séu virt. Ljóst sé að það sé ekki í þágu íslensks starfs­fólks að líf­eyrir sé notað til að styðja fyr­ir­tæki sem grefur undan samn­ings­rétti og lífs­kjörum launa­fólks. Ekki verði séð hvernig líf­eyr­is­sjóðir geta virt eigin siða­reglur og fjár­fest­ing­ar­stefnu en um leið tekið þátt í hluta­fjár­út­boði félags sem grefur undan hags­munum launa­fólks á íslenskum vinnu­mark­aði.