Bára í nýju ljósi

Bára Hall­dórs­dóttir stendur fyrir óvenju­legum við­burði í Gallerí Fold í dag.

„Þetta er sýn­ing um hrak­farir, að vissu leyti, ef það er þá á annað borð hægt að kalla þetta sýn­ingu. Kannski mætti segja að þetta sé frekar upp­stand eða saga eða gjörn­ingur eða sam­heng­is­laust tal nú eða jafn­vel bara sýn­ing um það hvernig sýn­ingar verða ekki til,“ segir Bára Hall­dórs­dóttir, fötl­un­ar­aktí­visti, upp­ljóstr­ari og fjöl­lista­kona, um sýn­ing­una – eða ættum við kannski að segja upp­á­kom­una – This is not a Show, sem Bára stendur fyrir í Gallerí Fold í dag klukkan 16.30 og er hluti af jað­ar­lista­há­tíð­inni Reykja­vík Fringe.

Þar ætlar Bára að varpa ljósi á þá stöðu sem margir lang­veikir eru í. „Þarna verður sjónum beint að fólki sem hefur glímt við veik­indi lengi og þá sem eru í áhættu­hópi í far­öldrum eins og COVID-19,“ útskýrir hún. „Fókusinn verður á fólk sem vegna veik­inda sinna nær ekki að klára alls konar hluti. Það er nefni­lega svo oft þannig hjá okkur sem eru lang­veik að hlutir eru hálf kláraðir vegna alls konar hind­r­ana. Við hendum þeim bara. Þessi við­burður er um það.“

Bára tekur fram að við­brögðin hafi verið ótrú­lega góð þegar við­burð­ur­inn var frum­sýndur í Gallerí Fold á mánu­dag­inn var. Eig­in­lega hafi þau farið fram úr björt­ustu vonum. „Áhorf­endur urðu mjög snortnir og svo inni­legir eftir á. Það var eig­in­lega alveg ótrú­legt,“ segir hún glað­lega.

Bára er ekki ókunnug Reykja­vík Fringe því hún stóð fyrir óvenju­legum gjörn­ingi á hátíð­inni í fyrra. Þá var Bára „til sýnis“ á Lista­stof­unni í Reykja­vík í þeim til­gangi að sýna gestum og gang­andi fólk með fötlun í umhverfi sem flestum er alla jafna hulið. Hún segir að þetta sé hins vegar í fyrsta skipti sem hún „per­formar live“. „Ég hef ekki staðið fyrir svona „live showi áður því síð­ast var ég meira til sýnis. Hver veit, kannski verður þetta upp­hafið að ein­hverju nýju og skemmti­legu“,“ segir hún og bætir við að það væri gaman að geta sýnt við­burð­inn á öðrum vett­vangi að hátíð lok­inni, þ.e. þegar hún hafi náð að safna kröftum.

Hún hvetur þá sem ætla ein­ungis að kíkja á inn­setn­ing­una, en ekki við­burð­inn sjálfan, að lesa litla örvið­talið sem er haft þar til hlið­sjónar. Nánar um við­burð­inn hérna.