Þórdís Elva Þor­valds­dóttir bar­áttu­kona og rit­höf­undur greinir frá því í færslu á Facebook að hún fékk COVID-19 kór­ónu­veiruna, án þess að hafa hug­mynd um það.

Þórdís Elva, eig­in­maður hennar og börn komu til Íslands í síð­ustu viku, en fjöl­skyldan er búsett í Svíþjóð. Greinir Þórdís Elva frá því að þau hafi farið í mótefna­mæl­ingu í Svíþjóð.

„Nið­ur­stöður Víðis voru nei­kvæðar, sem sann­færðu okkur um að ég hlyti að vera nei­kvæð líka. Það var tíma­bil í grá­mósku­legu félags­forð­un­inni í Stokk­hólmi í vor sem við skötu­hjúin urðum veik af því sem við ótt­uð­umst að væri kór­óna,“ segir Þórdís Eva.

„Ég vakn­aði æpandi eina nótt­ina með bein­verki sem voru eins og tann­pína í leggj­unum. Önnur ein­kenni voru haus­verkur, þreyta, sviði í lungum og and­þyngsli,“ segir Þórdís Elva og segir þau hjónin hafa ein­angrað sig heima og ekki deilt neinu um líðan þeirra, „til að valda ekki for­eldrum okkar og börnum á Íslandi hug­ar­angri.“

Á fimmtu­dag fengu þau svar úr seinni COVID mæl­ing­unni, sem sýndi þau ekki með virkt smit. Mótefna­mæl­ing Þórdísar Elvu var hins vegar jákvæð.

„Ég er búin að fá Covid19,“ taut­aði ég og starði á síma­skjá­inn. „Hvernig getur það verið? spurði Víðir, hlessa.“ Við urðum veik sam­tímis, hvernig stendur á því að þú ert ein með mótefni en ekki ég?,“ segir Þórdís Elva, sem seg­ist síðan hafa heyrt frá þó nokkrum sem voru með stað­fest smit vegna COVID-19, en mæl­ast ekki með mótefni í dag.

„Fræði­lega séð ættu þau að geta sýkst á ný, og jafn­vel ég líka, en það veltur á hversu lengi mótefnið dugar. Núna segja sænsk yfir­völd að við sem erum með mótefni munum lík­lega ekki sýkj­ast aftur innan sex mán­aða, lengri tíma þora þau ekki að spá fyrir um. Við vitum svo lítið um þessa veiru, enn sem komið er,“ segir Þórdís Elva.

„Það eina sem ég er hand­viss um að ég mun aldrei taka faðm­lögum sem sjálf­gefnum hlut aftur. Síst af öllu frá kon­unni sem gaf mér líf, ól mig upp í 20 ár og varði síðan sex mán­uðum til við­bótar af ævi sinni í að bjarga lífi tví­bu­r­anna minna. Ekkert okkar veit hversu löngum tíma við fáum úthlutað í líf­inu, svo það er best að segja fólk­inu okkar hversu heitt við elskum það. Frekar of oft en of sjaldan.“