Fjölmörg mál komu á borð lög­reglu í gær og í nótt.

Lög­regl­an á höf­uð­borg­ar­svæð­inu sinnti 51 máli í gær og í nótt og eru fjór­ir vistaðir í fanga­geymslu, að því er fram kemur í dag­bók lög­reglu.

Voru þrír hand­teknir grun­aðir um akst­ur und­ir áhrif­um fíkni­efna. Einn var einnig grun­aður um ölv­un­arakstur og annar um fíkni­efna­mis­ferli. Sá þriðji reynd­ist vera próf­laus. Var öllum þremur sleppt eftir sýna­töku.

Skömmu eft­ir mið­nætti var einn ein­stak­ling­ur hand­tek­inn grun­aður um fíkni­efnam­is­ferli og er hann vistaður í fanga­geymslu.

Lög­regl­an hand­tók mann um þrjú í nótt fyr­ir að láta ófrið­lega fyr­ir utan bráða­mót­tök­una í Foss­vogi. Sá er einnig grun­aður um eigna­spjöll. Maður­inn var flutt­ur á lög­reglu­stöð­ina við Hverf­is­götu en hann var lát­inn laus eft­ir sam­tal við lög­reglu.

Þá óskaði leigu­bíl­stjóri eft­ir aðstoð lög­reglu. Hann var með tvo far­þega sem neit­uðu að borga fyr­ir farið með leigu­bif­reið. Síðar óskaði ann­ar leigu­bíl­stjóri eft­ir aðstoð lög­reglu vegna sama aðila sem neit­aði að borga fyr­ir farið. Var umræddur aðili vistaður í fanga­geymslu.

Tvö umferð­ar­ó­höpp urðu í gær. Í öðru til­vik­inu var einn flutt­ur á bráða­mót­töku með sjúkra­bif­reið, en engin slys urðu á fólki í hinu til­vik­inu. Þá bár­ust lög­reglu nokkrar til­kynn­ingar um ung­linga að aka ógæti­lega á vesp­um við Breið­holts­skóla í gær­kvöldi.