Tvö Covid-19 smit hafa verið greind á Vestfjörðum en beðið er mótefnamælingar úr öðru sýninu, að því er fram kemur á Facebook-síðu Heilbrigðisstofnunar Vestfjarða
Annar þeirra smituðu er erlendur ríkisborgari með ísfirskt lögheimili sem kom í fyrradag heim frá Evrópu. Þegar hann var kominn heim hafði hann fengið bæði einkenni og svar um jákvæða niðurstöðu úr sýnatöku við landamæri. Hinn einstaklingurinn er ferðamaður á húsbíl sem greindist smitaður við komuna til landsins. Ferðamaðurinn bíður í farsóttahúsi eftir niðurstöðu úr mótefnamælingu.
„Þessi smit undirstrika mikilvægi þess að bæði Íslendingar og erlendir ríkisborgarar sýni varkárni, líka við hér vestur á fjörðum sem höfum kannski vonað að við gætum sloppið vel þetta skiptið,“ segir Súsanna Björg Ástvaldsdóttir umdæmislæknir sóttvarna á Vestfjörðum.
Á landinu öllu eru nú 58 manns með staðfest smit í einangrun og 454 manns eru í sóttkví.
Covid-19
Hópsýking greindist eftir þorrablót í Brúarási – Guðrún Hafsteinsdóttir meðal gesta
Mánagarðsbörnin orðin fimm á gjörgæslu – Rúmlega 40 börn hafa smitast
Inga Sæland með Covid: „Ljóta óværan þetta sem flæðir nú yfir sem aldrei fyrr“
Sanna greind með Covid-19: „Er ekki sú hressasta núna“
Steinunn Ólína ver vin sinn Kára: „Sjálfsábyrgðin er harður húsbóndi“
Athugasemdir