Forsætisráðherra með skilaboð: „Allir dagar eiga að vera Hinsegin dagar“

For­sæt­is­ráð­herra fagnar fjöl­breyti­leik­anum og mann­rétt­inda­bar­áttu hinsegin fólks.

„Höfum það hug­fast að allir dagar eiga að vera Hinsegin dagar, sama hvernig viðrar, dagar þar sem við fögnum fjölbreyti­leik­anum og minn­umst mannréttinda­baráttu hinsegin fólks,“ segir Katrín Jak­obs­dóttir, for­sæt­is­ráð­herra Íslands, í nýj­ustu færslu sinni á Facebook.

Tilefni skrif­anna eru Hinsegin dagar sem áttu að hefj­ast með form­legum hætti í gær og standa fram á mánu­dag með þéttri dag­skrá, en flestum skipu­lögðum við­burðum hefur verið aflýst vegna hertra sam­komu­tak­mark­ana í tengslum við COVID-19. Þrátt fyrir þau áhrif sem veiran hefur haft á hátíð­ina og sam­fé­lagið allt und­an­farna daga og vikur minnir Katrín á að lands­menn eigi rétt á að búa við frelsi, öryggi og ham­ingju.

„Við getum ekki notið hinna ýmsu við­burða í ár vegna COVID-19,“ skrifar Katrín, „en munum það í dag og alla daga, að við eigum öll rétt á að búa við frelsi, öryggi og ham­ingju. Öll eins og við erum.“

Endar for­sæt­is­ráð­herra færsl­una á að óska lands­mönnum öllum gleði­legra Hinsegin daga. „Til ham­ingju og gleði­lega Hinsegin daga!“

Með færsl­unni birtir ráð­herra mynd af sér með arm­band í regn­bog­ans litum sem eru tákn­rænir fyrir fjöl­breyti­leik­ann og sam­stöðu hinsegin fólks á Íslandi og um heim allan.