Rit­höf­und­ur­inn Andri Snær Magnason telur það mun skyn­sam­legra á Covid-tímum að laða frekar til lands­ins ferða­menn sem kjósi að dvelja hér frekar til lengri tíma heldur en til skammrar dvalar. Hann segir að far­ald­ur­inn hafi ein­fald­lega breytt öllum leik­reglum og að ekki gangi lengur að við­halda gamla mód­el­inu.

Ein af nýj­ung­unum sem Andri Snær boðar er að hugsa ferða­þjón­ust­una upp á nýtt fyrir næstu miss­eri. „Núna er staðan sú að uppi eru allt aðrar þarfir í heiminum og þar af leið­andi allt önnur tæki­færi. Tíu þús­und manns sem eru hér í ár er jafn mikil við­vera og 500.000 ferða­menn sem dvelja í viku. Frekar en að stefna að hund­rað þús­und manns sem koma í viku­dvöl væri áhuga­vert að sjá hvort ein­hverjar þús­undir væru til í að dvelja til lengri eða skemmri tíma og taka vinn­una með sér,“ segir Andri Snær. 

Liður í því væri jafn­vel að koma upp alþjóð­legum skóla sem gæti jafn­vel höfðað til tug­millj­óna manna að mati Andra Snæs. „Tug­millj­ónir manna beggja vegna atl­antsála geta vart hugsað sér að fara gegnum skóla­lausan vetur með inni­lokuð börn og alla vinn­una á bak­inu sömu­leiðis. Sumir munu hrein­lega bug­ast and­lega og því væri veiru­frítt land hrein lífs­björg fyrir marga. Tíu daga eða tveggja vikna sótt­kví myndi spilla hefð­bundnum viku­ferðum en myndi engu skipta fyrir fólk sem kæmi til lengri dvalar.“

Hug­mynd­ina um breyttar áherslur í ferða­þjón­ust­unni í far­aldr­inum segir Andri Snær að hafi verið frá­sögn af fólki sem hingað hefur komið und­an­farið og tekið starfs sitt með sér. „Þetta gæti orðið afar áhuga­verður veru­leiki og eflaust yrðu til ótelj­andi óvænt tengsl, sam­bönd og tæki­færi sem væru langtum mik­il­væg­ari en að streit­ast við að halda í gamla mód­elið. Ég sá frétt um for­stjóra sem flutti til lands­ins en þetta þurfa ekki að vera auð­menn. Ég hitti konu um dag­inn sem flutti fjöl­skyld­una hingað frá Banda­ríkj­unum af sömu ástæðu, venju­legt fólk sem tekur starfið með sér,“ segir Andri Snær.