Nemendur Kvenna­skól­ans í Reykja­vík fá kennslu í skól­anum þriðju hverju viku í vetur. Hinar vik­urnar verðar nem­end­urnir í fjar­námi. Skóla­starfið hefst þar í fyrr­málið þar sem nýnemar skól­ans mæta til leiks.

Vegna Covid-19 og sótt­varns­reglna verður starf­semi skól­ans með breyttu sniði þennan skóla­vet­ur­inn. Bekkir skól­ans munu hafa sína kennslu­stofu til umráða í stað þess að flakka á milli stofa eftir náms­greinum. Kennarar ólíkra greina munu þess í stað koma í stofur við­kom­andi bekkja.

Þetta kemur fram í til­kynn­ingu sem nýnemum var send og þar er það harmað að mötu­neytið verði ekki opið og nem­endur því hvattir til þess að koma með nesti með sér. Borðum í skóla­stofum verður stillt upp með eins metra milli­bili og nem­endur beðnir um að færa þau ekki til.

Til að forð­ast draga sem best úr hætt­unni á smitum og koma í veg fyrir að allur skól­inn þurfti að fara í sótt­kví komi upp smit hafa stjórn­endur Kvennó ákveðið að aðeins verði einn árgangur í einu í skól­anum. Það þýðir að hver árgangur fær stað­nám á þriggja vikna fresti í vetur, að því gefnu að reglur um sótt­varnir hald­ist óbreyttar.