Penninn-Eymundsson með hæsta verðið

Penninn-Eymunds­son er oft­ast með hæsta verðið á náms­bókum en A4 oft­ast með lægsta verðið. Þetta kemur fram í verð­lagskönnun ASÍ á náms­bókum, þar sem borin voru saman verð á bæði nýjum og not­uðum bókum.

Í flestum til­fellum eða í 18 til­fellum af 35 var 700-1.500 kr. munur á hæsta og lægsta verði á nýjum náms­bókum en í þremur til­fellum var enn meiri munur eða 2.000-3.000 kr. Penninn- Eymunds­son var oft­ast með hæsta verðið á nýjum náms­bókum en Forlagið næst oft­ast. A4 var oft­ast með lægsta verðið, en Iðnú næst oft­ast.

Mesta úrval nýrra náms­bóka var í A4 þar sem 34 titlar af 35 voru fáan­legir, næst flestir feng­ust í Pennanum-Eymunds­son, 30 en fæstir í Heim­kaupum, 25. Í For­lag­inu feng­ust 28 titlar og 27 í Iðnú.

Fréttina í heild og lista yfir bæk­urnar og verðið má sjá á vef ASÍ.