Lögmaður gagnrýnir meintar njósnir tryggingafyrirtækis – „Þetta er með því ógeðfelldasta sem ég hef séð lengi“

Fyr­ir­hug­aður Ökuvísir VÍS trygg­inga­fé­lags­ins fær harða gagn­rýni inni á Facebook-síðu Ómars R. Valdi­mars­sonar lög­manns. Flestir þeir sem taka þar þátt í umræð­unni segja hug­mynd­ina ógeð­fellda og eft­ir­litið sem henni fylgir óboð­legt.

Öku­vísir­inn er kubbur sem öku­menn setja í bíla sína og er í raun öku­riti sem fylgist með akstri bíl­stjóra. Þannig nemur kubbur­inn til dæmis hvort ekið er of hratt eða hvort öku­maður er í sím­anum við akstur. Trygg­inga­fé­lagið stefnir á að nýta gögnin úr öku­rit­anum í þeim til­gangi að lækka iðgjöld við­skipta­vina á þann veg að hegði þeir sér með ábyrgum hætti í umferð­inni lækka iðgjöldin.

Ómari lög­manni finnst hug­myndin veru­lega slæm. „Þetta er með því ógeð­felldasta sem ég hef séð lengi. Hvað er næst? Gegn því að trygg­ing­ar­fé­lagið fái afrit af sjúkra­skránni þinni og fjöl­skyld­unnar færðu afslátt af líf- og sjúk­dóma­trygg­ingum?,“ segir Ómar.

Ómar R. Valdi­mars­son lög­maður

Fjöl­miðla­mað­ur­inn Þor­finnur Ómarsson tekur í sama streng. „Hörmung. Á þetta bara að fara í gegn? Engin hugs­andi mann­vera lætur bjóða sér svona eft­ir­lit,“ segir Þor­finnur.Helgi Bjarna­son for­stjóri VÍS hafnar því að um eft­ir­lit á við­skipta­vinum sé að ræða og segir hug­mynd­ina að ökukubbnum hafa verið borna undir Per­sónu­vernd. Hann segir verk­efnið ganga út á að fækka slysum. „Þetta snýst ekki um að við fylgj­umst með því hvað fólk gerir hverja mín­útu,“ sagðið Helgi í sam­st­ali við

Vísi

.