Ekki bara góður ilmur …

Ilmolíur eru sagðar hafa góð áhrif á fólk, bæði and­lega og lík­am­lega. Þær hafa verið not­aðar til lækn­inga öldum saman í Aust­ur­löndum fjær og vin­sældir þeirra auk­ist mikið á Vest­ur­löndum. Olíurnar eiga að virka vel gegn til dæmis kvefi, bak­verkjum og tíða­verkjum. Einnig eru þær sagðar geta dregið úr dap­ur­leika og aukið sjálfs­traust og hug­rekki.

Auðvelt er að nota ilmol­í­urnar heima við. Það þarf ekki að hella nema nokkrum dropum í serví­ettu til að maður upp­lifi hressandi áhrif ilms­ins.

Ilmolíur eru eimaður jurta­safi án nokk­urra aukefna. Þær eru aldrei bornar beint á húð­ina heldur er þeim blandað saman við jurta­olíu áður en nuddað er með þeim eða þeim hellt út í bað­vatn. Auk þess að hella nokkrum dropum af ilmolíu í serví­ettu er hægt að setja þær á ilmol­íu­lampa og anda ilm­inum þannig að sér.

Aðferð­irnar eru ekki nýjar. Ilmolíur hafa verið not­aðar til heilsu­bótar öldum saman, einkum í Kína og Persíu. Þær urðu vin­sælli á Vest­ur­löndum nútím­ans eftir að franskur vís­inda­maður sem brenndi sig á hendi á fimmta tug síð­ustu aldar losn­aði við sárs­auk­ann er hann af mis­gán­ingi hafði stungið hend­inni í lavend­er­olíu. Læknar á Vest­ur­löndum hafa kynnt sér lækn­inga­mátt ilmol­í­anna í æ rík­ari mæli og er lavender til dæmis not­aður við fæð­ingar sums staðar á Norð­ur­lönd­unum. Svo er lavander dæma­laust góður gegn hinu hvim­leiða lús­mýi.

Nudd

Nudd dregur úr vöðva­verkjum, streitu og kvíða. Það hressir og róar í senn. Fótanudd er það nudd sem auð­veld­ast er að fram­kvæma heima. Byrjaðu á því að fara í fóta­bað. Blandaðu nokkrum dropum af furu­olíu eða pip­ar­myntu­olíu saman við jurta­olíu, til dæmis sesam­olíu. Nuddaðu fæt­urna með olí­unni.

Ilmlampi

Ilmurinn losar and­rúms­loftið við bakt­er­íur og eykur and­lega vellíðan. Kauptu þér ilmol­íu­lampa og fylltu skál­ina með vatni. Helltu síðan í það 4 til 7 dropum af ilmolíu. Vatnið er hitað upp með spritt­kerti og ilm­ur­inn berst um her­bergið. Ef þú ert með gælu­dýr kann­aðu hvort ilm­ur­inn geti verið hættu­legur þeim og veldu þá skað­lausan ilm.

Bað

Með því að setja ilmolíu í bað­vatnið dreg­urðu úr and­legri spennu og lík­am­legum sárs­auka. Helltu þremur til fjórum dropum af olíu í bað­vatnið. Ef þú vilt ekki að olían verði eins og rák á yfir­borði vatns­ins skaltu blanda rjóma eða hun­angi saman við hana áður en þú hellir henni í vatnið.

Innöndun

Hressandi er að anda að sér ilmi frá ilmol­íum. Slíkt er sagt virka vel við höf­uð­verk, melt­ing­ar­trufl­unum, bíl­veiki og flugna­biti. Það eykur einnig ein­beit­ingu og dregur úr streitu.

Helltu einum til tveimur dropum í serví­ettu og and­aðu ilm­inum að þér.

Hvað við hverju?

Bakið: Ef þér er illt í bak­inu gæti ilmur af furu, meiran, múskati eða salvíu hentað vel.

Maginn: Anís, engi­fer, lavender og mandar­ína róa óró­legan maga.

Húðin: Mandar­ínur og rósa­tré henta vel við­kvæmri húð en best fyrir þurra húð eru sand­el­viður og blá­gresi. Fyrir feita húð: lavender, perur og sedrus­tré.

Stress og þreyta: Greip­á­vöxtur, lavender og rósa­tré hafa góð áhrif á skap­sveiflur. Lavender, perur og rósa­tré draga úr stressi og spennu og við þreytu og orku­leysi virka basi­líka, fura og sítróna vel.