Eldaðu nakin/n
Prófaðu að elda kvöld­mat­inn nakin/n með maka þínum. Könnun sem gerð var á Nýja- Sjálandi sýnir að 8% af fólki á aldr­inum 18-34 ára hafa ein­hvern tíma prófað að elda nakin með ást­vini sínum. Einnig segir í könn­un­inni að svit­inn sem fram­kall­ast við það að standa við heita elda­vél­ina sé kjörin leið til að krydda kyn­lífið.

Myndir á nátt­borð­inu
Ef nátt­borðið þitt er þakið myndum af Önnu frænku, bestu vinum þínum eða heim­il­is­hund­inum, þá er kom­inn tími til að end­ur­hugsa inn­an­húss­skreyt­ingar. Elskhugi þinn mun ekki vera ljóm­andi af ánægju yfir til­hugs­un­inni um að njóta ásta á meðan árvökul augu vina og vanda­manna virð­ast fylgj­ast með hverri hreyf­ingu. Hafðu allar vina- og fjöl­skyldu­myndir í stof­unni og settu í stað­inn myndir af þér og ást­vini þínum á ýmsum stigum sam­bands­ins í svefn­her­bergið.

Kynörvun kemur með hægð­inni!
Margar konur finna fyrir því að kyn­hvöt þeirra dalar allt í einu í miðjum klíðum, jafn­vel þó að stuttu áður hafi þær verið á barmi kyn­ferð­is­legrar full­næg­ingar. Þegar þetta ger­ist er mik­il­vægt að slaka á allri örvun en byggja hana síðan aftur upp hægt og rólega. Ein­beittu þér að því sem þú skynjar þá stund­ina með ást­vini þínum og ef hugur þinn tekur að reika, reyndu þá að beina honum ofur­mjúkt aftur að ást­ar­at­lot­unum, stund­inni hér og nú.

Kynörvandi lýs­ing
Hafðu tvo ólíka lampa á nátt­borð­inu. Einn sem býður upp á venju­lega lýs­ingu til lest­urs og annan sem skapar róm­an­tíska og kynörvandi lýs­ingu. Gættu þess að lýs­ingin sem á að koma þér og þínum í rétta skapið sé hvorki of dökk né ljós. Þú vilt jú geta séð í elsk­huga þinn án þess þó að þurfa nauð­syn­lega að horfa á hverja húð­frumu!! Gul lýs­ing eða bleik er bæði þægi­leg og æsandi.

Örvaðu ást­vin þinn með kitli
Það kann að hljóma fárán­lega að kitl geti haft nokkuð með kyn­líf að gera en stað­reyndin er hins vegar sú að það dregur úr spennu og stressi sem er góður und­an­fari afslapp­aðs kyn­lífs. Þegar þú ert „í stuði“ en finnur að maki þinn er yfir sig spenntur eftir langan og erf­iðan vinnu­dag, er til­finn­inga­lega lok­aður og kaldur, þá er um að gera að skapa annað and­rúms­loft með þess­ari aðferð. Kitl er góð leið til að nálg­ast ást­vin sinn á gam­an­saman hátt og þótt ein­hverjum kunni að finn­ast kitl óþægi­legt til að byrja með þá er það í huga flestra góð leið til lík­am­legrar nálg­unar.

Morg­un­matur í rúmið
Öllum þykir gott þegar mak­inn tekur sig til og færir morg­un­mat í rúmið. Umhyggja af þessu tagi, þótt ekki sé nema endrum og eins, getur virkað mjög kynörvandi. Ekki er síðra ef morg­un­mat­ur­inn inni­heldur ein­hver kynörvandi bragð­efni, sam­an­ber þau mat­ar­föng sem Vikan mælir með í þessu tölu­blaði.

Hjálp­ar­tæki ást­ar­lífs­ins
Flest pör hafa gaman af hjálp­ar­tækjum kyn­lífs­ins í ein­hverri mynd. Í þessu sam­hengi er mik­il­væg­ast fyrir pör að hafa í huga að ræða opin­skátt um hvað höfðar til þeirra og hvað er að þeirra viti handan vel­sæm­is­marka. Ef þessir hlutir eru ekki ræddir en þess í stað mætt með eitt­hvert leik­tækið ófor­var­andis einn dag­inn kann það að hafa slæm áhrif á hinn aðil­ann og jafn­vel sært blygð­un­ar­kennd hans. Af þessum sökum er mik­il­vægt að þið séuð hrein­skilin með það sem kemur ykkur til en engu að síður að taka til­lit hvort til ann­ars.