Tíðavörurnar lækka minnst í Bónus – Lækkun á túrskattinum skilar sér misvel

Tíða­vörur hafa lækkað minnst í Bónus eða um 1% og mest í Iceland eða um 17,6 % á einu ári eftir lækkun virð­is­auka­skatts á tíða­vörum úr 24% í 11% sam­kvæmt verð­könnun verð­lags­eft­ir­lits ASÍ.

Ný lög tóku gildi 1. sept­em­ber í fyrra sem kveða á um að tíða­vörur ásamt öllum teg­undum getn­að­ar­varna skuli vera í neðra þrepi virð­is­auka­skatts, 11% í stað efra þreps­ins, 24%. Mark­miðið með lög­unum var að stuðla að bættri lýð­heilsu og auka jafn­ræði, lækka kostnað á nauð­syn­legum hrein­læt­is­vörum kvenna og jafna aðstöðumun not­enda mis­mun­andi forma getn­að­ar­varna.

Lækkun á bleika skatt­inum eða túr­skatt­inum eins og þessi skattur er oft nefndur er nú jafn hár og virð­is­auka­skattur sem lagður er á aðrar hrein­lætis- og nauð­synja­vörur eins og bleyjur, mat­vöru, heitt vatn og raf­magn. Breyt­ingin ætti að öllu óbreyttu að skila 10,5% lækkun á verði til neyt­enda.

Lækkunin er mest í Iceland, um 17,6% og næst mest í Kram­búð­inni um 7,5%. Minnst hafa þær lækkað í Bónus, um 1% og næst minnst í Krónunni, 3,5% á meðan verð stóð í stað í 10-11. Þá lækk­aði verð á tíð­ar­vörum um 6,2% í Hag­kaupum, 5,4% í Nettó og 4,5% í Fjarð­ar­kaupum.

Verð­könn­unin sýnir ein­ungis breyt­ingar á verði yfir tíma í versl­unum en tekur ekki til­lit til þess hvar lægsta verðið er að finna.

Verð­mæl­ing fór fram 30. ágúst 2019 og 14. ágúst 2020.

Nánar má lesa um könn­un­ina á vef ASÍ.

Ert þú með ábend­ingu um neyt­enda­mál? Sendu póst á [email protected].