Matarbúðin Nándin hlýtur Bláskelina 2020

Guð­mundur Ingi Guð­brands­son umhverfis- og auð­linda­ráð­herra veitti Blá­skel­ina 2020, við­ur­kenn­ingu umhverfis- og auð­linda­ráðu­neyt­is­ins fyrir fram­úr­skar­andi plast­lausa lausn, fyrr í dag.

Mat­ar­búðin Nándin

Mat­ar­búðin Nándin hlaut við­ur­kenn­ing­una í ár. Mat­ar­búðin Nándin er plast­laus mat­ar­búð sem end­ur­nýtir glerið sem selt er í búð­inni. Markmið þessa fjöl­skyldu­fyr­ir­tækis er að skapa „sjálf­bært mat­væla­kerfi“ þar sem sett er upp hringrás fyrir gler, ásamt því að selja mat­vöru í nið­ur­brjót­an­legum og moltu­hæfum umbúðum. Starfs­menn leggja sig fram um að vera ráð­gef­andi gagn­vart sínum sam­starfs­að­ilum um hvernig best er að taka þátt í verk­efn­inu.

Við­ur­kenn­ingin er veitt fyr­ir­tæki, stofnun, ein­stak­lingi eða öðrum fyrir fram­úr­skar­andi lausnir sem stuðla að minni plast­notkun og plast­úr­gangi í sam­fé­lag­inu. Kallað var eftir til­nefn­ingum á vor­mán­uðum og voru 13 aðilar til­nefndir í 16 til­nefn­ingum.

Dómnefnd skipa Sigrún Ágústs­dóttir, for­stjóri Umhverf­is­stofn­unar, Sigríður Ingv­ars­dóttir, for­stjóri Nýsköp­un­ar­mið­stöðvar Íslands, Sigríður Mogensen, sviðs­stjóri hjá Samtökum iðn­að­ar­ins og Sævar Þór Hall­dórs­son í fram­kvæmda­hópi Plast­lauss sept­em­ber.

Fjórir aðilar komust í úrslita­hóp­inn í ár, en þeir eru: Bioplastic Skin, Krónan, Mat­ar­búðin Nándin og Plast­plan.

Bioplastic Skin

Bioplastic Skin er verk­efni sem snýr að hönnun umhverf­is­vænna umbúða úr dýra­húðum sem nota má til að pakka kjöt­vörum. Nú til dags er stór hluti dýra­skrokka van­nýttur eftir slátrun og þar með er dýr­mætum hrá­efnum eins og dýra­húðum sóað. Í dag, á meðan verið er að rann­saka nákvæma eig­in­leika efn­is­ins, er mark­mið verk­efn­is­ins að vekja fólk til umhugs­unar um einnota plast­um­búðir og kjöt­neyslu.

Krónan

Krónan hefur unnið mark­visst að því að draga úr magni plasts sem fellur til í versl­unum og auka end­ur­vinnslu. Á síð­asta ári hóf Krónan sam­starf við Plast­plan sem end­ur­vinnur plast frá verslun þeirra á Granda og fyrr á árinu skrif­uðu þau undir sam­starfs­samn­ing við Pure North Recycling og tryggja með því end­ur­vinnslu á öllu plasti sem til fellur hjá fyr­ir­tæk­inu. Krónan tók úr umferð alla smá­poka úr plasti sem hafa feng­ist gef­ins við kassa og í ávaxta- og græn­met­is­deildum. Stefna þeirra er svo að hætta með alla burð­ar­poka úr plasti – um leið og birgðir klár­ast, sem er áætlað í októ­ber.

Plast­plan

Plast­plan sér­hæfir sig í plast­end­ur­vinnslu, hönnun og fræðslu. Fyr­ir­tækið býður ein­stak­lingum og fyr­ir­tækjum ráð­gjöf varð­andi minni plast­notkun og plast­sóun ásamt því að end­ur­vinna það plast sem óum­flýj­an­lega fellur til hjá við­kom­andi aðilum. Plast­plan flokkar, hreinsar, hakkar og umbreytir plast­inu og býr að lokum til nytja­hluti fyrir við­skipta­vini sína.

Hér má finna Facebook við­burð afhend­ing­ar­innar.

Ert þú með ábend­ingu um neyt­enda­mál? Sendu póst á [email protected].