Strákar óstarfhæf – Nágrannadeilur hamla starfsemi björgunarsveitar

Björg­un­ar­sveitin Strákar á Siglu­firði er óút­kalls­fær eins og er, sökum þess að nágranni sveit­ar­innar hefur lokað fyrir aðkomu björg­un­ar­sveit­ar­manna að skemmu þeirra.

Trölli.is fjallar um málið og birtir myndir frá vett­vangi. Valgeir Sig­urðs­son, nágranni Trölla hefur girt lóð­ina af með bif­reiðum og vinnu­vélum og seg­ist hann í fullum rétti til þess því hann eigi lóð­ina þar sem aðkeyrsla Björg­un­ar­sveit­ar­innar er að tækja­skemm­unni. Valgeir segir við Trölla.is að eigi hann að opna verði menn að semja við hann, aldrei hafi hann verið beð­inn um leyfi fyrir akstri um lóð hans né greitt fyrir aðstöð­una.

Eins og staðan er núna koma Strákar bún­aði sveit­ar­innar ekki út ef til útkalls kemur. Hefur sveitin fengið verk­taka til að saga sundur vegg til að opna leið fyrir þá út af plan­inu til norð­urs. Ingvar Erlings­son hjá Strákum segir málið erfitt og verið sá að vinna í að leysa aðgengi að skemm­unni. Málið sé hvatn­ing til að íhuga flutn­ing á starf­semi sveit­ar­innar.

Mikil umræða hefur skap­ast á sam­fé­lag­smiðum vegna máls­ins meðal bæj­ar­búa.

Lesa má nánar um málið og sjá myndir á vef Trölla.is.