Kirkjan hættir ekki að fikta í Jesú – Sjáðu nýju myndina

Barna­starf kirkj­unnar hefur birt nýja jesú­mynd fyrir sunnu­daga­skól­ann eftir að fyrri myndin af Jesú með brjóst olli miklum deilum. Nýja myndin virð­ist falla í betri jarð­veg þó svo að ekki séu samt allir sáttir.

„Við í Barna­starfi kirkj­unnar erum mjög ánægð með þessa mynd því hún sýnir brjóst­góðan, hjarta­góðan, góð­hjart­aðan, eðl­is­góðan Jesú rjóðan í kinnum,“ segir full­trúi kirkj­unnar undir færslu á Facebook þar sem mynd­ina var birt. Líklega hefur full­trúi kirkj­unnar ekki þorað annað en að taka fram þetta með roð­ann í kinnum til að forð­ast deilur. Enda leið ekki á löngu þar til Magda­lena nokkur spurði: „Jesú með kinna­lit?“

Hún Guðný Björk tók undir. „Snyrti­vöru­jesú glam­úr­kirkj­unnar aðhyllist að sjálf­sögðu hégóma og lætur ekki nokkurn mann sjá sig án farða,“ segir Guðný Björk. 

Hafdís nokkur segir ljóst að kirkjan hafi ekki þorað öðru en taka það fram að ekki væri um kinna­lit á Jesú að ræða. „Þeir taka nú fram að hann sé rjóður i kinnum en ekki með kinna­lit, svona til öryggis,“ segir Hafdís.

Mynd / Barna­starf kirkj­unnar.

Kirkju­þing Þjóð­kirkj­unnar sendi á dög­unun frá sér yfir­lýs­ingu þess efnis að því þótti afar miður að umdeilda brjósta­myndin af Jesú Kristi særði fólk fólk. Ætlunin hafi verið sú að und­ir­strika fjöl­breyti­leik­ann en hvorki að særa fólk né ofbjóða. Myndin umdeilda sýnir Jesú kampa­kátan með sítt hár, brjóst og and­lits­farða. Óhætt er að segja að við­brögð við mynd­birt­ing­unni hafi verið blendin.

Nýja myndin virð­ist fá aðeins jákvæð­ari við­brögð. „Mikið er þessi mynd, barna­starfs kirkj­unnar, lit­rík, fal­leg og vel heppnuð. Ætti að geta höfðað til allra í fjöl­breyti­leika og lit­rófi lífs­ins,“ segir Guðbjörg. 

Anna Margrét er hjart­an­lega sam­mála. „Falleg mynd og í anda barna­starfs kirkj­unnar.
Enginn und­ir­tónn, bara gleði og kær­leikur,“ segir Anna Margrét. 

En það eru ekki allir ánægðir. Sveins­ína Björg er það ekki til dæmis. „Því var verið að breyta. Á hann ekki alltaf að vera eins. Skömm.“

Sonja og hulda eru sam­mála. Þær vilja báðar fá gömlu fal­legu jesú­mynd­irnar. „Hvar eru GÖMLU fal­legu mynd­irnar. Af hverju þarf alltaf að afskræma alla hluti?,“ segir Sonja. 

Ólöf Gíslína er ánægð með mynd­ina þó trú­laus sé hún orðin þökk sé bisk­upi. „Þetta er fal­legri mynd en hin. Ég var alin upp við svona myndir en ég trúi ekki á guð lengur þökk sé Agnesi Biskup,“ segir Ólöf.