Heiðar Ástvaldsson danskennari er látinn, 84 ára að aldri.
Sonur Heiðars, tilkynnir andlát föðurs síns í færslu á Facebook:
„Það er með þungu hjarta að ég tilkynni að faðir minn hann Heidar Ástvaldsson andaðist í nótt á 5.tímanum. Hann þjáðist ekki neitt, var tilbúinn að fara og andaðist friðsamlega í svefni. Þó það sé erfitt að átta sig alveg á þessu akkúrat á þessari stundu þá er það mikil huggun fyrir mig og okkur í fjölskyldunni hversu friðsamlega hann á endanum kvaddi okkur. Ég vona að þið sem ætlið að senda skilaboð eða pósta, sýnið okkur biðlund ef við erum lengi að svara en við munum sjá öll skilaboð sem þið sendið.“
Heiðar starfaði í áratugi sem danskennari og stýrði eigin dansskóla, Dansskóla Heiðars Ástvaldssonar, í meira en hálfa öld, en Heiðar lokaði skólanum árið 2013. Heiðar var einnig dómari í samkvæmisdönsum. Heiðar átti afmæli í dag, en hann var fæddur á Siglufirði 4. október 1936. Hann lauk verslunarprófi og stúdentsprófi frá Verslunarskóla Íslands og stundaði nám við lagadeild HÍ. Heiðar lauk prófi frá Imperial Society of Teachers of Dancing og var með alþjóðleg dómararéttindi í samkvæmisdönsum.
Mannlíf vottar ættingjum og vinum Heiðars innilega samúð.
Athugasemdir