Vigdís Hauksdóttir, borgarfulltrúi Miðflokksins, er sorgmædd yfir því hversu skítugur og ógeðslegur miðbær höfuðborgarinnar er orðinn. Hún fór í göngutúr um miðborgina og tók af því tilefni rafmagnskassamyndasyrpu.
Syrpuna birti Vigdís svo sem færslu á Facebook. Þar undrast hún stefnu meirhluta borgarinnar þegar kemur að miðbænum. „Miðbærinn er orðinn mjög skítugur og ógeðslegur. Þetta er víst það sem meirihlutinn vill …!!! Hvaða stefna er þetta?
Fór í rafmagnskassagöngutúr – Laugvegur frá Hlemmi að Lækjargötu og Hverfisgata að Hlemmi Fyrir ykkur sem aldrei farið í miðbæinn – þá er ástandið svona,“ segir Vigdís.
Þetta er ekki í fyrsta sinn sem veggjakrot í miðborginni er til umræðu. Stefanía Guðjónsdóttir borgari velti upp þeirri spurningu á dögunum hvort barátta fyrir nýrri stjórnarskrá gefi fólki rétt á að skemma eigur annarra. Þar vísar hún til veggjakrots víða í miðborginni sem finna megi á veggjum, rafmagnskössum og gagnstéttum.
Þó að Stefanía sé ósátt við veggjakrotið tekur hún það fram að færsla sín í hópi íbúa í miðborginni á Facebook endurspegli ekki skoðun sína á stjórnarskrám. „Það að vilja nýja stjórnarskrá gefur það manni rétt að skemma eigur annarra? Þetta er aldeilis fínt veggjakrotsfordæmi sem nú er sett út um allan bæ. Á veggjum, rafmagnskössum og gangstéttum. Það að nota stensil eða vilja nýja stjórnarskrá gerir þetta ekki að minni skemmdaverkum,“ sagði Stefanía.
Reykjavíkurborg
Ætla að breyta félagaformi Orkuveitunnar
Egill hefur litla trú á nýja meirihlutanum: „Borgarstjórnin er ekki sérlega vel mönnuð“
Kryddpíurnar í borginni byrjaðar að skrifa sáttmála: „Þetta eru auðvitað bara lykiláhersluatriði“
Árshátíð borgarstjórnar kostaði Reykvíkinga tæpar tvær milljónir króna
Sanna útilokar ekki borgarstjórastólinn: „Bara eitt skref í einu“
Athugasemdir