Elenóra Rós Georgsdóttir komst í sviðsljósið árið 2017 þegar hún, ein og sér, tók upp á því að baka og selja kökur í heilt ár til styrktar Barnaspítala Hringsins og var í framhaldinu valin maður ársins á Suðurnesjum. Elenora fæddist með sjaldgæfan fæðingargalla sem kallast Omphalocele og var því langdvölum á spítalanum sem barn.
Í viðtali við Vikuna segir hún meðal annars frá söfnuninni, en ætlunin var ekki að koma sjálfri sér á framfæri, heldur hafi hana hafi bara langað til að gefa til baka til spítalans sem hafi gert svo mikið fyrir hana í gegnum tíðina.
„Þegar ég kom í heiminn var ég með fæðingargalla sem veldur því að líffæri voru utan á líkamanum,“ útskýrir hún. „Ég var oft veik sem barn og þurfti að fara í margar aðgerðir, sérstaklega á aldrinum frá átta til fjórtán ára. Þau ár var ég endalaust inn og út af spítalanum í alls konar mismunandi aðgerðum og rannsóknum hjá mismunandi læknum. Mér leið alltaf ofboðslega vel á Barnaspítalanum þannig að þegar ég var sextán ára ákvað ég að tileinka árið 2017 því að baka og selja kökur og gefa spítalanum allan ágóðann. Í upphafi árs 2018 var ég svo valin maður ársins á Suðurnesjum og eftir það fór boltinn að rúlla mjög hratt,“ segir Elenóra Rós.
Viðtalið í heild má lesa í nýjasta tölublaði Vikunnar.
viðtal
Hugvíkkandi efni hjálpuðu Unni í skilnaðinum við Jóa Fel: „Ég sá myrkrið fara út úr mér“
Ragnar Freyr segir læknastarfið oft erfitt: „Það verður allt verra ef svefninn er ekki í lagi“
Birkir rokkar til vinstri – Leggur mikla áherslu á föðurhlutverkið
Kannabis mætir skorti á blóðvökva – Viðtal við sérfræðing á sviði líftækni og læknisfræði
Fjölskyldufaðir tekst á við stórt áfall með plötuútgáfu: „Þú stýrir ekki vindinum …“
Athugasemdir