Vinnslu­stöðin í Vest­manna­eyjum stendur fast á þeirri kröfu að rík­is­sjóður greiði fyr­ir­tæk­inu fast að millj­arði króna í bætur vegna úthlut­unar á mak­ríl­kvóta sem eig­endur félags­ins telja að hafi falið í sér rang­læti. Í upp­hafi voru sjö útgerð­ar­fé­lög sem vildu bætur frá almenn­ingi upp á 10 millj­arða króna. Fimm félög hættu við lög­sókn á hendur rík­inu eftir almenna for­dæm­ingu á kröf­unum um bætur fyrir óveiddan fisk. Meðal þeirra sem hættu við lög­sókn er Ísfé­lagið í Vest­manna­eyjum sem er að mestu í eigu Guð­bjargar Matth­í­as­dóttur.

Sig­ur­geir Brynjar Krist­geirs­son, fram­kvæmda­stjóri Vinnslu­stöðv­ar­innar, upp­lýsir í Morg­un­blað­inu í dag að fyr­ir­tæki hans standi fast á þeirri kröfu að  fá bætur. Fyr­ir­tæki hans ræður yfir miklum veiði­heim­ildum. Hann hefur óskað eftir fundi með odd­vitum rík­is­stjórn­ar­innar í þeim til­gangi að fara yfir stöð­una með odd­vitum rík­is­stjórn­ar­innar, sem gagn­rýnt hafa kröf­urnar. Bæði Bjarni Bene­dikts­son fjár­mál­ráð­herra og Katrín Jak­obs­dóttir for­sæt­is­ráð­herra hafa gagn­rýnt kröfur útgerð­ar­mann­anna um millj­arða úr rík­is­sjóði. Eftir þá gagn­rýni hrukku  fimm félag­anna til baka með kröf­urnar en Sig­ur­geir Brynjar heldur sínu striki.

Hann segir við Morg­un­blaðið að boð til  ráð­herr­anna um fund standi enn og þá myndi honum gef­ast tæki­færi til að fara yfir málið og hugs­an­lega semja um lyktir þess. Almenn for­dæm­ing er á kröfu kvóta­kóng­anna á hendur almenn­ings um bætur fyrir kvót­ann sem að lögum er í eigu almenn­ings. Ólíklegt er talið að rík­is­stjórnin fundi með Sig­ur­geiri Brynjari um millj­arð­s­kröf­una.