Í takt við grímuskyldu barna hefur sala á fjölnota andlitsgrímum í barnastærðum rokið upp. Það má glögglega sjá á heimasíðum þeirra sem selja þennan ný tilkomna staðalbúnað. Þær eru ýmist uppseldar, lítið úrval eða verslanir gefa það út að afhending geti dregist. Neytendavakt man.is tók saman nokkrar verslanir sem selja andlitsgrímur fyrir börn og skoðaði verðin.
Verslunin pollyanna.is býður 13 týpur af grímum fyrir börnin, en til marks um hversu hratt grímur rjúka út þessa dagana eru 10 þeirra uppseldar. Grímurnar eru tveggjalaga og úr bómullarefni – þær eru ekki með filter.
Verð: 2.100 kr.
Í Vistveru má finna þriggjalaga grímur sem henta börnum undir 12 ára en alls ekki ungabörnum, segir á heimasíðu Vistveru. Hver gríma er með vasa sem setja má filter inn í (ath. filterinn fylgir ekki með). Ytri hluti grímunnar er úr bómull og innri hlutinn, sá sem snýr að andlitinu úr lífrænum bómull.
Verð: 1.590 kr.
Hjá fotomax.is er hægt að fá þriggjalaga CE og AFNOR vottaðar grímur sem hægt er að hanna sjálfur með því að senda mynd eða texta á [email protected].
Tilboðsverð: 2.000 kr.
Litla músin býður upp á þriggjalaga andlitsgrímur úr 100% bómul. Tekið er fram á heimasíðunni að vegna mikillar eftirspurnar getur tekið allt að viku að ganga frá pöntunum á andlitsgrímum.
Verð frá 1.700 kr.
Gyllti kötturinn er með þriggjalaga grímur fyrir alla fjölskylduna. Þar er líka mikið álag vegna mikillar sölu.
Verð: 1.800 kr.
Mikilvægt að hafa í huga:
- Passa þarf upp á að nota grímurnar ekki marga tíma á dag, gott er að eiga grímur til skiptanna.
- Allar grímur skal þvo á hverjum degi og láta liggja í vatni í um 10 mín í sápuvatni og hreinsa svo vel úr hreinu vatni og láta þorna.
- Ekki er hægt að skila grímum vegna sóttvarna.
- Æskilegt er að þvo andlitsgrímu áður en hún er notuð í fyrsta sinn.
- Athugið að andlitsgríman kemur ekki í veg fyrir COVID19 smit. Ef að þú ert með einkenni kvefs eða inflúensu áttu ekki að nota grímu. Mikilvægt er að fylgja öllum tilmælum yfirvalda og þvo sér vel um hendurnar með sápu og spritta vel.
- Áður en að gríman er sett upp er mikilvægt að þvo hendur vel og spritta.
Athugasemdir