Hættu að nota tannkrem

Talið er að í kringum 400 millj­ónir plast tann­kremstúpur séu not­aðar árlega – í Banda­ríkj­unum einum! Afar fáar túpur eru end­ur­unnar eða end­ur­unn­ar­legar, þær ein­fald­lega enda í land­fyll­ingum og í þeim eru efni sem eru skað­legar umhverf­inu.En við þurfum að bursta, hvað er til ráða?Svarið er plast­laus tann­hirða, tann­krem­stöflur. Ekkert plast og eng­inn (eða amk skárri) umbúða­úr­gangur. Í sumum búðum sem selja tann­krem­stöflur er nefn­in­lega hægt að fara með krukku út í búð, fá áfyll­ingu og kaupa eftir vikt. Aðrar selja þær í umhverf­is­vænni umbúðum. Töfl­urnar eru lausar við bleiki­efni, bindi­efni og rot­varn­ar­efni sem allt eru efni sem hafa slæm áhrif á umhverfið – hvort sem er þegar tann­kremi er spýtt í nið­ur­fallið eða leyfar af því í túp­unni. Tann­kremstúpur sem telj­ast kláraðar inni­halda að með­al­tali 11 grömm af afgöngum. Í Þýska­landi þýðir það að um 440 tonnum af tann­kremi er hent á mán­uði. Það er því til mik­ils að vinna.Það er svo­lítið önnur til­finn­ing að nota tann­krem­stöflur og tekur smá tíma að venj­ast. Þær eru líka dýr­ari en venju­legt tann­krem. En miðað við ofan­greind atriði, er heldur betur mik­ill ávinn­ingur í að skipta.Neyt­enda­vaktin skoð­aði nokkrar búðir sem selja tann­krem­stöflur. Allar bjóða þær upp á vef­verslun. Kemur í ljós að Vistvera býður best og dýrastar eru þær hjá Von­ar­stræti:

Vistvera

333 töflur: 1.950 kr.Vistvera selur eftir vigt og hægt er að koma með eigið ílát og fá áfyll­ingu.

Heilsu­húsið

165 töflur: 1.056 kr

Mena

130 töflur: 1.150 kr

Tropic

240 töflur: 1.990 kr.

Von­ar­stræti

125 töflur: 1.490 kr.