Það er ýmislegt sem við getum gert til þess að létta á heilbrigðiskerfinu. Eitt af því er að grípa til varna í hálkunni. Hálkuslys eru ansi tíð og ekki gengur að treysta einungis á söltun og söndun sveitarfélaganna. Í huga margra eru mannbroddar eitthvað sem aðeins eldra fólk þarf að nota. Þessu hugarfari þarf að breyta. Með því að smella broddum undir skóna má koma í veg fyrir hundruð slysa á vetri og í veg fyrir áverka sem í sumum tilfellum valda örorku eins og t.d. höfuðáverkar. Sýnum ábyrgð. Neytendavaktin tók saman nokkrar sambærilegar týpur. Sumar eru 8 broddar og aðrar 10. Ódýrasta týpan er á 1.470 kr. og sú dýrasta á 3.416 kr.
GGsport selur 10 brodda, hálkubrodda sem kallast City Track og eru ætlaðir til daglegrar notkunar innanbæjar. Þeir eru sagðir auðveldir og þægilegir í notkun og að auðvelt sé að smeygja þeim á skóna.
Verð: 2.990 kr.
Verslunin Everest er með týpu, 10 brodda, sem er sögð henta vel á hálu malbiki og að þægilegt og einfalt sé að setja þá á skóna.
Verð: 2.995 kr.
Mannbroddar sem einfalt er að setja undir skó, segir Lyfja. Koma í geymslupoka sem gott er að geyma mannbroddana í. 10 brodda. Lyfja er með dýrustu broddana af þeim sem neytendavaktin skoðaði.
Verð: 3.416 kr.
Verslunin býður þessa 8 brodda mannbrodda. Frekari lýsing er ekki á sýðunni en verslunin Dynandi selur viðurkenndan öryggisbúnað svo þetta hlýtur að vera tipp topp.
Verð: 1.972 kr.
Stoð ehf er rótgróið þjónustufyrirtæki á heilbrigðissviði. Fyrirtækið býður 8 brodda, mannbrodda, sömu týpu og Dynjandi. Stoð býður best:
Verð: 1.470 kr.
Athugasemdir