Höfundur / Sara Dögg Eiríks­dóttir, félags­ráð­gjafi og fjöl­skyldu­fræð­ingur hjá Sam­skipta­stöð­inni.

Gefðu ást og umhyggju á aðventu.

Við könn­umst öll við það að vera upp­tekin og stundum er lít­ill tími og orka eftir til að sinna sam­band­inu í dags­ins önn. En áttu sex sek­úndur til aflögu dag­lega?

Svarið er senni­lega já hjá flestum. Ég er að tala um sex sek­úndna koss­inn (Gottman). Að gefa ykkur sex sek­úndur til að kyss­ast og já, það verður að vera í heilar sex sek­úndur og ekki endi­lega franskur en það má!

Þú hugsar kannski, en við kyssumst oft á dag en ef þú spáir í því þá end­ast svona litlir kossar hér og þar bara í um 1-2 sek­úndur og þótt að það sé auð­vitað frá­bært líka þá virka þeir ekki eins og lengri kossar. Það er eitt­hvað sem ger­ist í lík­am­anum með því að kyss­ast í sex sek­úndur.

Þetta er lengri tími en maður heldur (gott er að telja í hug­anum til að byrja með) en bara á þessum stutta tíma finnur þú betri og dýpri teng­ingu við maka þinn og lík­ami ykkar beggja slakar á. Ég mæli með að þið prófið að taka þessar 6 sek­úndur á dag í mánuð (helst lengur) og sjáið hvað ger­ist.

Þetta virkar líka með faðm­lag fyrir pör og ekki síst fyrir börn, ég mæli með því að þið takið börnin ykkar eða maka í sex sek­úndur á dag og knúsið. Það sama ger­ist, teng­ingin verður dýpri og þið slakið á, ótrú­legt en satt og bara á þessum sex sek­úndum dag­lega.