Margir kjósa að hafa lifandi barrtré í stofunni yfir hátíðirnar, grenitegundir eða furu, en það er afar mikilvægt að umhirða og meðferð trjánna sé rétt svo þau lifi sem lengst og felli ekki barrið áður en jólin eru yfirstaðin.
Mynd / Aldís Pálsdóttir
Í ljósi umræðu um umhverfismál er nærtækt að hvetja fólk til þess að kaupa íslensk tré. Þau eru höggvin um miðjan nóvember og fram í desember og sumarið áður en þegar eru höggvin fá þau áburðarskammt sem gerir þau sérstaklega barrheldin og gefur það þeim einnig fallegan grænan lit.
Fura. Mynd / Hallur Karlsson
Stafafura er sérlega heppilegt jólatré en hún vex um allt land og getur dafnað vel í rýrum jarðvegi og náð allt að 30 metra hæð. Stefna skógræktenda á Íslandi er að eiga að minnsta kosti um helmingsmarkaðshlutdeild í sölu jólatrjáa eftir 20 ár og því tilvalið að styrkja það góða framtak.
Hér koma nokkur ráð sem gott er að fara eftir til þess að jólatréð haldist fallegt sem allra lengst.
- Algengt er að trén séu geymd úti þar til þau eru tekin inn og skreytt. Best er að láta tréð standa upprétt á meðan það er úti við, sé þess kostur.
- Afar mikilvægt er að taka tréð inn sólarhring áður en til stendur að skreyta það en aldrei má taka tré beint inn í stofuhita úr miklu frosti. Ef frost er úti er mikilvægt að leyfa trénu að þiðna hægt og rólega eftir að það er tekið inn. Best er að taka tréð inn í kalda geymslu eða þvottahús þar sem raki er til staðar. Sé þess ekki kostur er hægt að láta það standa í köldu vatni í baðkari og leyfa því að þiðna þar. Við snöggar hitabreytingar verður tréð fyrir áfalli og getur því misst barrið fyrr en ella.
- Þegar tréð hefur jafnað sig er gott að snyrta fótinn. Það er alveg óhætt að snyrta og fjarlægja óþarfagreinar við stofninn. Gott er að saga 3-5 cm af stofninum til þess að opna fyrir æðarnar og tálga börkinn neðst af stofninum, eða um það bil 10 cm.
- Gott er að hella sjóðandi vatn í fötu og setja stofninn ofan í vatnið í um það bil 10 mínútur. Heita vatnið opnar vel æðar trésins og auðveldar því að draga til sín vatn.
- Að þessu loknu skal setja tréð strax í vatnsfót og gæta þarf að því að fóturinn tæmist aldrei. Athuga skal að tréð drekkur mikið fyrstu dagana og því nauðsynlegt að fylgjast vel með. Tæmist fóturinn er hætta á að loftbólur komist í vökvaæðar stofnsins og tréð dáið.
Mynd / Hallur Karlsson
Kjósa
Hvernig finnst þér þessi grein? Skráðu þig inn til að kjósa.
Tengdar greinar
Hús & híbýli
Landsliðs- og markadrottning selur í Mosfellsbæ
Berglind Björg Þorvaldsdóttir, landsliðskona í knattspyrnu, og Kristján Sigurðsson hafa ákveðið að selja heimili sitt í Mosfellsbænum. Berglind hefur á undanförnum áratug verið ein besta knattspyrnukona landsins og algjör markadrottning. Þá hefur hún spilað 72 landsleiki fyrir Ísland og skorað í þeim leikjum 12 mörk. Hún skipti nýlega úr Val yfir í Breiðablik eftir að forráðamenn Vals létu Berglindi vita...
Litrík og skemmtileg heimili í nýja blaðinu
Þau eru ansi litrík og skemmtileg heimilin sem við hjá Húsum og híbýlum heimsóttum fyrir nýja blaðið okkar sem er komið í verslanir. Stofur og borðstofur eru í aðalhlutverki í þessu blaði ásamt innlitum inn á íslensk heimili þar sem persónulegur stíll ræður ríkjum. Það er falleg íbúð þeirra Hebu Fjalarsdóttur og Birgis Haraldssonar sem prýðir forsíðuna að þessu sinni....
Hvað ætla hönnuðirnir að sjá á HönnunarMars?
Umsjón/ María Erla og Guðný Hrönn HönnunarMars hefst á morgun, 19 maí, og er þetta í 13. sinn sem hátíðin er haldin. Viðburðurinn er stærsta hönnunarhátíð landsins. Við heyrðum í nokkrum hönnuðum sem sýna á HönnunarMars í ár og spurðum þau meðal annasr út í hvað þau ætla að sjá. Sigmundur Freysteinsson fatahönnuður Hvað ert þú að sýna á HönnunarMars?...
Deiglumór, áhugaverð heimildabók um leirlist á Íslandi 1930–1970
Í ár kom út bókin Deiglumór: Keramik úr íslenskum leir 1930-1970. Í bókinni er farið yfir sögu leirlistarinnar sem hefur fylgt mannkyninu frá örófi alda og segja má að sé órjúfanlegur hluti af menningar- og listasögu heimsins. Hugtakið deiglumór er fornt orð yfir leir og vitnar í notkun hans á Íslandi til deiglugerðar á öldum áður. Sú saga er fallin...
Sjöan frá Fritz Hansen, fyrir börn
Sjöan sem hönnuð er af Arne Jacobsen er án efa meðal þekktari og vinsælli vara frá Fritz Hansen. Stóllinn var hannaður árið 1955 og er því alger klassík en hann er bæði þægilegur að sitja í og fallegur ásýndum. Stóllinn er gerður úr pressuðum níu laga viðarspóni sem er einstaklega sterkur en Sjöan er fáanleg í ýmsum litum. Nýlega kom...
Handgerð og eftirtektarverð sojakerti
Kerti í alls konar birtingarformum hafa verið vinsæl upp á síðkastið; svo sem líkamskerti og snúningskerti og því óvenjulegri því skemmtilegri að okkar mati. Mynd / soyar Við rákumst á þetta breska vörumerki, soyar, sem býður upp á úrval sojakerta í alls konar útfærslum og litum. Mynd / soyarMynd: Höfundur ókunnur Kertin eru handgerð úr sojavaxi, eiturefnalaus og vegan. Glæddu...
Athugasemdir