Mynd dagsins: Guðni forseti bjargaði Kríu og gleðst yfir að hún dafnar vel

Guðni Th. Jóhann­es­son, for­seti Íslands, prýðir mynd dags­ins þar sem hann gleðst yfir því hversu vel Kríu virð­ist vegna í dag. Þar er á ferð­inni kven­kyns fálki sem for­set­inn bjarg­aði fyrir ári síðan.

Guðni greinir frá björg­un­inni á for­seta­síðu sinni á Facebook og birtir þar jafn­fram myndir sem teknar voru núna yfir jólin. Þær sýna hversu vel fálk­anum virð­ist vegna í dag. „Fyrir ári var slös­uðum fálka komið í skjól hér á Bessa­stöðum. Í ljós kom að fugl­inn var kven­kyns og var gefið nafnið Kría. Hún bragg­að­ist og náði frek­ari bata í Fjöl­skyldu- og hús­dýra­garð­inum. Í sept­em­ber gerð­ist það svo að þegar flytja átti Kríu milli búra flaug hún til fjalla. En þar með er öll sagan ekki sögð,“ segir Guðni og bætir við:

Þor­finnur ljós­mynd­ari náði þess­ari góðu mynd af fálk­anum sem for­set­inn bjarg­aði.

„Laust fyrir jól náði Þor­finnur Sig­ur­geirs­son fugla­skoð­ari mynd af fálka á Garð­skaga og merki á fæti hans. Nær öruggt er að þarna var Kría á ferð. Hér að neðan er mynd Árna Sæbergs af mér og Kríu um jólin í fyrra og svo myndir Þorfinns af þessum ágæta fálka um ári síðar.“