Erling Ingvason, tann­læknir og sam­fé­lags­rýnir sem bauð sig fram fyrir Dögun, segir nokkuð ljóst af hverju Bjarni Bene­dikts­son og Sjálf­stæð­is­flokk­ur­inn leggja svo mik­inn þunga á að selja Íslands­banka núna. Það sé vegna þess að hann og fjöl­skylda hans hafi grætt millj­arða króna í síð­asta hruni í gegnum afskriftir for­vera Íslands­banka. Erling segir enn fremur að eign­ar­hald ríks­ins sé ekki eins óvana­legt og þessi hópur full­yrðir, því í Þýska­landi er það svipað og hér.

„Banki er ekki eins og hvert annað fyr­ir­tæki á sam­keppn­is­mark­aði, banki hefur einka­rétt á því að fram­leiða pen­inga og rukka af þeim vexti, hann er því alltaf, ef ekki í ein­ok­un­ar­stöðu, þá í það minnsta fákeppn­is­stöðu. Það er í sjálfu sér ekk­ert sjálf­sagt við það að slíkur réttur sé til staðar í einka­fyr­ir­tækjum, ég hef áður notað sam­lík­ing­una við Vatns­veit­una, banki sem er sam­fé­lags­banki (rík­is­banki er sam­fé­lags­banki í víð­ustu skil­grein­ingu orðs­ins) og er rek­inn með hags­muni almenn­ings að leið­ar­ljósi er að vissu leyti eins og Vatns­veitan; hann sér okkur fyrir nauð­syn­legri þjón­ustu án hagn­að­ar­kröfu og ef hagn­aður er til staðar rennur hann aftur til sam­fé­lags­ins,“ skrifar Erling á Facebook.

Erling segir margt þvælu í mál­flutn­ingi Sjálf­stæð­is­manna. „Nú er staðan sú á Íslandi að 2/3 hlutar banka­kerf­is­ins eru í formi sam­fé­lags­banka (rík­is­bankar) en það er akkúrat sama hlut­fall og í Þýska­landi þó full­trúar einka­væð­ing­ar­sinna tali eins og þetta sé eitt­hvert eins­dæmi á Vest­ur­löndum og alls óvið­un­andi, það er semsé bara þvæla,“ segir Erling.

„Annað sem þeir tönnlast mikið á er að sú áhætta sem ríkið hafi af bönk­unum tveimur, sé óásætt­an­leg, en þá er þess að minn­ast að síð­ast þegar búið var að þurrausa þá og þeir fóru á haus­inn (2008 ef ein­hver hefur gleymt) þá fékk, einmitt ríkið, þá alla aftur í haus­inn og það verður ekk­ert öðru­vísi næst. Ríkið ber alltaf áhætt­una, eini mun­ur­inn liggur í því hvort mönnum tekst að einka­væða hagn­að­inn eins og Bjarni Bene­dikts­son er að reyna …aftur.“

Erling segir að ef menn hefðu hag þjóð­ar­innar í brjósti þá væri aug­ljóst að einka­væð­ing yrði ekki fyrir val­inu. „Nú er einmitt lag til að breyta kerf­inu en ekki á þann hátt sem Bjarni vill heldur á þann hátt að ríkið haldi báðum bönk­unum í gegnum yfir­stand­andi kreppu og breyti síðan öðrum í klass­ískan sam­fé­lags­banka að þýskri fyr­ir­mynd (Spar­kassen í Þýska­landi hefur lýst vilja til þess að veita Íslend­ingum aðstoð við þessa umbreyt­ingu) og haldi hinum.

Þá er ákveðið jafn­vægi á mark­aðnum og minni hætta á kross­eigna­tengslum og svínaríi eins og þessi Bjarni sjálfur var á kafi í fyrir Hrun. Bjarni og nán­ustu ætt­ingjar græddu 130 millj­arða (afskriftir) í síð­asta Hruni, mest­megnis í gegnum þennan sama Íslands­banka og hann ætlar núna að endu­r­einka­væða, maður spyr sig auð­vitað hvernig í alver­den það má vera að þessi maður sé við stjórn máls­ins en þá er maður minntur á það að við erum á litla krútt­lega Íslandi (í alver­den).

Þetta gæti hvergi gerst ann­ars­staðar og er auð­vitað gert kleyft með vald­efl­ingu þeirra flokka sem kenna sig við sam­vinnu og vinstri­mennsku, Framsókn og VG.“