Snjóflóð og ófærð í óveðrinu: Fólki bjargað af heiðinni

Óveður og ofan­koma  hefur verið á norð­an­verðu land­inu síðan í gær. Í gær­kvöld féllu tvö snjó­flóð á Öxna­dals­heiði. Hætta þótti vera á frek­ari snjó­flóðum og var heið­inni lokað.  Björg­un­ar­sveitir voru kall­aðar út til hjálpar fólki í 15 bif­reiðum sem voru fastir sitt hvorum megin við flóðið. Þrír bílar voru skildir eftir á heið­inni. Björg­un­ar­að­gerðum á heið­inni lauk laust eftir klukkan 1 í nótt. Engan sak­aði. Í morg­unsárið verða aðstæður á heið­inni kann­aðar. Nokkuð var um að björg­un­ar­sveitir á Norður- og Aust­ur­landi væru kall­aðar til aðstoðar öku­mönnum í vanda.Fjall­vegir á norð­an­verðu land­inu eru víð­ast lok­aðir og ferða­langar víða inn­lyksa. Þannig munu ein­hverjir hafa þurft að gista á Hólmavik vegna ófærð­ar­innar en ófært er á stað­inn að sunnan og norðan.Spáð er áfram­hald­andi stífri norð­an­átt í dag og á morgun.