Stefán Karlsson er látinn: Minning um leiðtoga og yndislega manneskju lifir

Stefán

Stefán Karlsson er lát­inn langt fyrir aldur fram. Greint er frá and­láti Stefáns á heima­síðu Vals. Stefán var fram­kvæmda­stjóri Vals í tvö ár og stjórn­ar­maður í hand­knatt­leiks­deild félags­ins.

Stefáni er lýst sem afar vönd­uðum manni, góð­hjört­uðum og ráða­góðum. Stefán var einnig mik­ill leið­togi og tók hann á móti öllum glað­beittur á svip og bros hans leið fólki seint úr minni.

Á Facebook-síðu Vals segir:

Stefán vann í rúm­lega 20 ár í kringum Knatt­spyrnu­fé­lagið Val í mörgum lyk­il­hlut­verkum. Hann var m.a. for­maður hand­knatt­leiks­deildar, fram­kvæmd­ar­stjóri félags­ins og fjár­mála­stjóri ásamt fjöl­mörgum hlut­verkum í ein­stökum verk­efnum og því sem snéri að vinnu á bak við tjöldin við að gera starf félags­ins betra.

Á heima­síðu Vals segir: „Knatt­spyrnu­fé­lagið Valur sendir sam­úð­ar­kveðjur til eig­in­konu Stefáns, Sig­ur­laugar Rún­ars­dóttur, sona þeirra, Krist­ó­fers, Rúnars, Ingimars og ann­ara fjöl­skyldu­með­lima og vina.

Missir þeirra er mik­ill.

Minning um frá­bæran leið­toga og ynd­is­legan félaga, einn okkar allra bestu, mun lifa meðal okkar í Vals­sam­fé­lag­inu.“

Fjöl­margir minn­ast Stefáns á sam­fé­lags­miðlum. Magnús Guð­munds­son skrifar: „Þetta eru skelfi­legar fréttir. Stefán var ein­stak­lega góður og vand­aður maður. Hans verður sárt saknað en minn­ingin um góðan dreng lifa. Inni­leg­ustu sam­úð­ar­kveðjur til fjöl­skyldu hans og vina.“

Ingvar Kristinn segir: „Brosandi and­litið sem ávallt tók á móti manni þegar maður hitti Stefán gleymir maður seint. Sann­kall­aður heiður að fá að kynn­ast honum. Sendi inni­legar sam­úð­ar­kveðjur til fjöl­skyldu Stefáns og allra Vals­manna.“

Hand­bolta­kempan Heimir Örn Árnason segir: „Sam­úð­ar­kveðjur til fjöl­skyldu og Vals­manna!! Stefán var gull af manni og það var heiður að vinna með honum!“

Hilmar Þór Norð­fjörð skrifar:

„Ég kynnt­ist Stebba þegar ég var með Sport.is en glað­leit­ari dreng var erfitt að finna. Hann tók alltaf á móti öllum með stóru brosi og var alltaf til í spjall eða leysa mál sem komu að fjöl­miðlum.

Það var því erfitt að sjá að þessi dáða­drengur hafi yfir­gefið okkur, langt fyrir aldur fram. Það sýnir okkur að ekk­ert er sjálf­sagt í þessu ferða­lagi okkar og hver sem er getur heltst úr lest­inni án fyr­ir­vara.

Ég sendi mínar inni­leg­ustu sam­úð­ar­kveðjur til fjöl­skyldu og vina Stebba.

Þá segir einnig á heima­síðu Vals að liðið muni leika með sorg­ar­bönd þessa helgi.