Hreinn Beck deildi í nótt óvenjuáhugaverðri færslu innan Facebook-hópsins Fjölmiðlanördar. Þar segir hann allt bendi til þess að Michele Ballarin eigi ekki höllina í Virginíu, sem vakti mikla athygli í sjónvarpsþættinum Kveik í gær. Hún sé hins vegar fasteignasali eignarinnar.
Yfirlýsingar athafnakonunnar Michele Ballarin hafa um nokkuð skeið vakið grunsemdir um að ekki væri allt sem sýndist. Íslendinar kynntust henni fyrst þegar hún hugðist kaupa þrotabú WOW-air. Í gær sagðist hún svo eiga hluti í Icelandair í gegnum tengda aðila. Fyrir Íslandsævintýrið var Ballarin helst þekkt sem vopnasali með tengsl við leyniþjónustur og sjóræningja.
Hreinn birtir skjáskot máli sínu til stuðnings sem sjá má hér fyrir neðan. „Sager Real Estate er með glæsilega eign til sölu á litlar $29.950.000 að 7500 Ironwood Lane, Warrenton, Virginíu. Fasteignin var kynnt í fyrsta sinn á Íslandi í þættinum Kveik,“ skrifar Hreinn.
Hann segir að síða fasteignasölunnar sé ekki aðgengileg á Íslandi. Ekki verður betur séð en að það síðan sé ekki lengur í loftinu nú. Með aðstoð Google má þó sjá að það var ekki alltaf raunin. Ballarin er svo sögð fasteignasali á öðrum síðum sem enn eru virkar.
Hreinn gerir grín að þessu öllu og skrifar: „Áhugasamir geta haft samband við sölumann okkkar, Michele Ballarin sem hefur verið dugmikill starfsmaður okkar frá 2013. Vefur Sager er því miður ekki aðgengilegur frá Íslandi, af ókunnum ástæðum og því hef ég gripið til þess ráðs að pósta þessu hér.“
Í þættinum Kveik sagði Ballarin að eignin væri alls ekki til sölu. Fréttamaðurinn Ingólfur Bjarni Sigfússon benti á það í lok þáttarins að eignin væri enn til sölu.
Efnahagsmál
Landsframleiðsla Íslands skreppur saman
Sósíalistar vilja skera niður ofurlaun ráðamanna: „Eðlilegt að þeir byrji á sjálfum sér“
Ragnar skýtur fast á bankana: „Þetta er allt að koma segir fjármálaráðherra!!“
Stéttarfélög boða til mótmæla á Austurvelli: „Hafa neitað að axla ábyrgð á efnahagsástandinu“
Björn lætur ráðherra heyra það: „Heimskulegustu ummæli ársins 2024“
Athugasemdir