Hafin er söfnun fyrir börn Freyju Egilsdóttur Mogensen, sem myrt var með hrottalegum hætti á Austur-Jótlandi. Hún átti tvö ung börn með Flemming Mogensen, fyrrum eiginmanni sem á endanum reyndist banamaður hennar.
Freyja var stúlka frá Selfossi sem elskaði flatkökur og íslenska náttúru. Síðustu vikur hennar hér á jörðu saknaði hún heimalandsins og mátti skynja að hana langaði heim. Fjölskylda Freyju er yfirbuguð af sorg af þeim fregnum að hún hafi verið myrt.
Sjá einnig: Sorgarsaga Freyju -„Erum í áfalli“-Stúlkan frá Selfossi elskaði flatkökur og íslenska náttúru
Ungu börnin tvö sem nú hafa misst móður sína eru sögð í öruggum höndum fjölskyldu Freyju heitinnar. Nú standa vonir til að Íslendingar taki höndum saman og styðji við bakið á börnunum ungu og fjölskyldunni.
Það er Jónína Eyvindsdóttir sem vekur athygli á söfnuninni, það gerir hún bæði á eigin vegg á Facebook sem og í fjölmennum hópi kynsystra hennar á samskiptamiðlinum, Góða systir. Jónína segir:
„Ákveðið hefur verið að koma af stað söfnun fyrir fjölskyldu og börn Freyju, sem að lést með hryllilegum hætti í Danmörku fyrir rúmri viku síðan. Ég vil hvetja ykkur öll til að aðstoða ef þið getið og dreifa þessu sem víðast. Reynum öll að styðja við fjölskyldu hennar í þessum hryllilega harmleik,“ segir Jónína.
Ef þú vilt hjálpa hinum ungu börnum á afar erfiðum tímum í lífi þeirra þá koma hér upplýsingar til þess, reikningurinn er í nafni Dísu Maríu, systur Freyju:
Reikningsupplýsingar: 0511 – 14 – 007189
Kennitala: 250463-2789
Athugasemdir