Langholtsbúar brjálaðir út í Eimskip: „Á ekki annars að vera svefnfriður samkvæmt lögum?“

Einar nokkur, íbúi í Lang­holtsshverfi í Reykja­vík, er veru­lega ósáttur við Eimskip og heil­brigð­is­eft­ir­lit borg­ar­innar vegna hávaða frá Sunda­höfn allar nætur. Hávaðinn er svo mik­ill að hann getur ekki sofið.

Einar segir frá óánægju sinni inni í hópi hverf­is­búa á Facebook. Þar segir hann:

„Lag­ar­foss liggur en bil­aður í Sunda­höfn. Þrátt fyrir lof­orð Eimskips og Heil­brigð­is­eft­ir­lits um úrbætur voru ljósa­vélar skips­ins í gangi í allt gær­kvöld og alla nótt­ina. Nú er klukkan 5 að morgni og drun­urnar ber­ast um nálæg hverfi. Kannski að ég sé einn af fáum sem trufl­ast af þessu og get ekki sofið. Á ekki ann­ars að vera svefn­friður sam­kvæmt lögum frá mið­nætti til morg­uns?“, spyr Einar.

Nágrannar Einars úr póst­núm­eri 105 bæta sér í umræð­una undir færsl­una og segj­ast einnig verða varir við hávað­ann frá Sunda­höfn að næt­ur­lagi. Það gera líka fjöl­margir íbúar 104 og Sigrún er ein þeirra. „Heyrði þetta um dag­inn og bý í Álf­heimum. Svaka­lega mik­ill háf­aði. Nú veit ég hvað þið eruð að tala um. Hlýtur að vera hrika­legt að búa þarna nálægt,“ segir Sigrún.

Nönnu líst illa á blik­una. „Og þetta hlýtur að lækka íbúðir í verði þangað til þetta verður lagað,“ segir Nanna.

Einar bætir því við að hann hafi marg­sinnis kvartað undan hávað­anum en fátt sé um svör. „Búin að senda marga tölvu­pósta. Þeir þykj­ast vera að gera eitt­hvað en ekk­ert ger­ist. Margir eru búnir að kvarta en fleiri þurfa að kvarta og sparka í rass­inn á þeim,“ segir Einar.