Þetta er mánuðurinn sem þú færð bóluefnið, ef þú ert fæddur 1960 til 1970

Heil­brigð­is­ráð­herra Svandís Svav­ars­dóttir til­kynnti í gær að gera mætti ráð fyrir því að hægt yrði að bólu­setja um 180 þús­und Íslend­inga fyrir lok júní.

Eflaust hafa margir velt því fyrir sér hvar þeir séu í röð­inni. Gylfi Magn­ús­son, hag­fræði­pró­fessor og fyrr­ver­andi ráð­herra, er þar á meðal en hann spáir að fólk á hans aldri verði bólu­sett í apríl eða maí.

Ekkert hefur þó verið sagt um röð eða fyr­ir­komu­lag og því þarf Gylfi að gefa sér ákveðna for­sendur. Hann gerir því ráð fyrir að fólk verði bólu­sett eftir aldri og þeir yngstu verði þá síð­astir. Hann skrifar á Facebook:

„Ef bólu­sett væri í öfugri ald­urs­röð myndi bólu­efnið sem þarf í þetta duga fyrir alla 35 ára og eldri… Þeir sem eru yngri en 35 í for­gangs­hópum og þeir sem ekki verða bólu­settir af ein­hverjum ástæðum rugla dæmið þó aðeins. En við Við­reisn­ar­börnin ættum að bretta upp ermarnar í apríl eða maí …“ Þar er Gylfi að vísa til þeirra sem fædd­ust meðan Við­reisn­ar­stjórnin var við völd 1959 til 1971.